Ranil Wickramasinghe – නිර්පාක්ෂික අපේක්ෂකයෙක් ලෙස ජනපතිවරණයට ඉදිරිපත් වන රනිල් වික්රමසිංහ “සැබෑව” යන තේමාව මුල් කර ගනිමින් සංවිධාන කෙරෙන මැතිවරණ සටන ඇරැඹීමේ ප්රථම මහජන රැළියට සහභාගී වීමට නියමිත බව වාර්තා වේ. කුලියාපිටිය නගර සභා ක්රීඩාංගනයේදී ලබන ඉරිදා (මාර්තු 10) පස්වරු 2ට එම රැළිය පැවැත්වෙන බව එක්සත් ජාතික පක්ෂ උපනායක අකිල විරාජ් කාරියවසම්, පිටකෝට්ටේ සිරිකොත පක්ෂ මූලස්ථානයේ පැවති මාධ්ය හමුවකදී පැවසීය.
එක්සත් ජාතික පක්ෂය ලෙස ජනාධිපතිවරයාට සහාය දැක්වීම සඳහා මෙම මහජන රැළිය සංවිධාන කරන බව පැවසු ඔහු, ඉදිරියේදීත් විවිධ පාර්ශ්ව වෙතින් මහජන රැළි සංවිධාන කෙරෙනු ඇති බවත්, අවසානයේ සියලු බලවේගය එක්වී ජනාධිපති රනිල් වික්රමසිංහගේ ජයග්රහණය තහවුරු කෙරෙනු ඇති බවද වැඩිදුරටත් සඳහන් කළේය.
