SriLankan Police – මහජන පැමිණිලි භාර ගැනීම සඳහා ස්ථාපිත කර ඇති 1960 දුරකථන මාර්ගය ඔස්සේ පක්ෂග්‍රාහීව කටයුතු කිරීම සම්බන්ධව පොලිසියට විරුද්ධව ලැබෙන පැමිණිලි ප්‍රමාණය ඉහළ ගොස් ඇතැයි පොලිස් කොමිසම පවසනවා. මෙම වසරේ ගතවූ කාලය ඇතුළත එසේ ලැබුණු පැමිණිලි ප්‍රමාණය දසදහස ඉක්මවා ඇති බවත් ඉන් 90% කට වඩා ලැබී ඇත්තේ 1960 ක්ෂණික ඇමතුම් අංකය හරහා බවත්, අනෙකුත් පැමිණිලි සෘජුවම මහජන පැමිණිලි විමර්ශන අංශයට ලැබී ඇති බවත් පොලිස් කොමිසම සඳහන් කරනවා.
මෙසේ ලැබී ඇති පැමිණිලි වලින් වැඩි ප්‍රමාණයක් පැමිණිලි විභාග නොකිරීම,බලය අයුතු ලෙස භාවිත කිරීම මෙන්ම පහරදීම් සම්බන්ධයෙන් පොලිසියට එරෙහිව ලැබී ඇති පැමිණිලි බවත් එයින් පැමිණිලි දෙදහසකට ආසන්න ප්‍රමාණයක් මේ වන විට විභාග කොට විසඳුම් ලබාදී අවසන් බවත් පොලිස් කොමිසම වැඩිදුරටත් සඳහන් කර සිටිනවා. එමෙන්ම 1960 ක්ෂණික දුරකතන අංකය හරහා පැය 24 පුරා පොලිසියේ අනීතික ක්‍රියාවලට එරෙහිව පැමිණිලි කිරීමට ජනතාවට අවකාශය පවතින බව ජාතික පොලිස් කොමිසම අවධාරණය කර සිටිනවා.
