King Charles – එක්සත් ජනපද ජනාධිපති ජෝ බයිඩන් සහ බ්‍රිතාන්‍යයේ තෙවන චාල්ස් රජු අතර හමුවක් සිදුව තිබෙනවා. (ජුලි 10) ඒ Berkshire හි පිහිටි Windsor මාළිගයේදී. තෙවන චාල්ස් රජුගේ රාජාභිෂේකයෙන් දෙමසකට පසුව මෙම හමුව සිදුවූ අතර 2023 මැයි මස පැවති රාජාභිෂේකයට ජනාධිපති ජෝ බයිඩන් සහභාගී නොවීම කැපී පෙනුණා. දේශගුණික විපර්යාස පිළිබඳව මොවුන් සාකච්ඡා කර තිබෙන අතර ධවල මන්දිරයේ ජාතික ආරක්ෂක උපදේශක ජේක් සුලිවාන් පැවසුවේ දේශගුණය පිළිබඳව චාල්ස් රජුගේ උනන්දුව සහ කැපවීම පිළිබඳව ජනපතිවරයා පැහැදුණු බවයි. තෙවන චාල්ස් රජු දේශගුණික විපර්යාස සම්බන්ධව ප්‍රබල හඬක් නගන කෙනෙකු බැව් ඔහු ප්‍රකාශ කර සිටියා.
– Hindustan Times ඇසුරෙනි –
