White House – කොකේන් බවට සැක කරන ද්‍රව්‍යයක් ධවල මන්දිරයේ බටහිර අංශයේ තිබී හමුවීමත් සමගින් පසුගිය ඉරිදා (ජුනි 03) ධවල මන්දිරය තාවකාලිකව වසා දැමුණා.
මෙම ද්‍රව්‍ය Cocaine, hydrochloride බව රහස් සේවා විසින් සොයාගත් අතර ඒ පිළිබඳ වැඩිදුර විමර්ශන සිදුවෙමින් පවතිනවා. ධවල මන්දිරයට කොකේන් ඇතුළු වූයේ කෙසේද සහ එයට හේතුව පිළිබඳව විමර්ශනයක් බලාපොරොත්තු වෙන බව රහස් සේවා පවසා සිටියා.
මහජනතාවට සහ සංචාරකයන් සඳහා විවෘතව ඇත්තේ ධවල මන්දිරයේ නැගෙනහිර කොටසයි. කොකේන් බවට සැක කෙරෙන ද්‍රව්‍ය හමුවූ බටහිර කොටසේ ජනපති ජෝ බයිඩන්, උප ජනපති සහ අනෙකුත් ජ්‍යෙෂ්ඨ නිළධාරීන්ගේ කාර්යාල පිහිටා තිබෙනවා. කෙසේ වෙතත් මෙම ද්‍රව්‍ය සොයාගන්නා විට ජනපති ජෝ බයිඩන් සහ ඔහුගේ පවුලේ අය ධවල මන්දිරයේ සිට නොමැති බවට වාර්තා වෙනවා.
– Hindustan Times ඇසුරෙනි –
