මත්ද්‍රව්‍ය වැටලීම්වලදී ළමයින් සහ තරුණ පිරිස් 9000 ක් අත්අඩංගුවට
පසුගිය වසරේ (2025) ඔක්තෝබර් 30 වැනිදා සිට මේ වසරේ මේ දක්වා එනම් වසරකට ආසන්න කාලයකදී දිවයින පුරා සිදුකළ මත්ද්‍රව්‍ය වැටලීම්වලදී ළමයින් හා තරුණ තරුණියන් 9000කට ආසන්න පිරිසක් අත්අඩංගුවට ගෙන ඇති බව පොලීසිය පවසයි. ඒ අනුව 2025 ඔක්තෝබර් 30 වැනිදා සිට මේ වසරේ මේ දක්වා එනම් ගතවූ වසරකට ආසන්න කාලය ඇතුළත අවුරුදු 8 ත් 21ත් අතර ළමයින් සහ තරුණයන් 9,105 දෙනෙක් විවිධ වූ මත්ද්‍රව්‍ය හේතූන් නිසා අත්අඩංගුවට ගැනීමට සිදුව ඇති බව පොලිස් මාධ්‍ය ප්‍රකාශක සහකාර පොලිස් අධිකාරි එෆ්.යු වුට්ලර් මහතා සඳහන් කර සිටී.
එසේම මෙම ළමයින් අතරින් පිරිමි ළමයින් 8, 932ක් පොලිස් භාරයට ගෙන ඇති අතර තරුණ දියණිවරු 173ක්ද අත්අඩංගුවට ගැනීමට සිදුවී තිබේ. තවද වසය අවුරුදු 8 ත් 14ත් අතර වියේ පසුවන දරුවන් 11 දෙනෙකුද මේ වන විට පොලිස් අත්අඩංගුවට පත්ව ඇතැයි ද පොලිස් මාධ්‍ය ප්‍රකාශකවරයා සඳහන් කර සිටී.
✍️ ධාරා අබේනායක විසිනි.
