ඥානසාර හිමිට ජනපති සමාව ඉල්ලා අත්සන් ලක්ෂ 50 ක්
ගලබොඩඅත්තේ ඥානසාර හිමිට ජනාධිපති සමාව ප්රදානය කරන ලෙස ඉල්ලා පෙත්සමකට අත්සන් ලක්ෂ 50ක් ලබාගැනීමේ විශේෂ වැඩසටහනක් මිහින්තලේ පූජා භූමියෙන් ආරම්භ විය. මිහින්තලය රජමහා විහාරාධිපති, ආචාර්ය වළවාහැංගුණවැවේ ධම්මරතන හිමියන්, මහා සංඝරත්නය ඇතුළු පිරිසක් මෙම පෙත්සමට අත්සන් තැබීමේ අවස්ථාවට එක්ව සිටියහ.
එහිදී අදහස් දැක්වූ මිහින්තලය විහාරාධිපති හිමියෝ, ගලබොඩඅත්තේ ඥානසාර හිමියන් උදෙසා ජනාධිපති සමාව ලබාදීමට කටයුතු කරන ලෙස ජනාධිපතිවරයාගෙන් විශේෂ ඉල්ලීමක් ද කළහ. අධිකරණයට අපහාස කිරීමේ චෝදනාවට වරදකරු වී වසර 6ක සිර දඬුවම් නියම වී සිටි බොදුබල සේනා සංවිධානයේ මහලේකම් ගලබොඩඅත්තේ ඥානසාර හිමියන්ට මීට පෙර හිටපු ජනාධිපති මෛත්රිපාල සිරිසේන විසින් පොදු සමාව ප්රදානය කර නිදහස් කර තිබුණි. කෙසේ නමුත් එම තීරණය නීතිය ඉදිරියේ බල රහිත බවට ශ්රේෂ්ඨාධිකරණය ඉකුත් 10 වැනිදා තීන්දු කළේය.
✍️ ධාරා අබේනායක විසිනි.
