ත්‍රීරෝද රථයක් මතට ගසක් පෙරළීමෙන් පාසල් සිසුවෙක් ඇතුළු තිදෙනක් මරුට

නාවලපිටිය මාපාකන්ද ප්‍රදේශයේ සිට නාවලපිටිය දක්වා ධාවනය වෙමින් පැවති ත්‍රීරෝද රථයක් මතට ප්‍රධාන මාර්ගය අසල තිබූ වි‍ශාල ගසක් කඩාවැටී පාසල් සිසුවෙකු ඇතුළු තිදෙනෙකු ජීවිතක්ෂයට පත්වී තිබේ.

මෙම අනතුර සිදුව තිබෙන්නේ අද (04) උදෑසනය.

කෙසේවෙතත් අනතුරින් ත්‍රීරෝද රථ රියදුරා දිවි බේරාගැනීමට සමත්වී තිබේ.

පොලීසිය සහ ප්‍රදේශවාසීන් එක්ව ගස කපා ඉවත් කර සිරුරු නාවලපිටිය දිස්ත්‍රික් මහ රෝහලට රැගෙන ගොස් ඇත.