මේ වසරේ ඉන්ධන ආනයන වියදම් වැඩියි

මේ වසරේ ඉන්ධන ආනයන වියදම් වැඩියි

මෙම වසරේ පළමු භාගයේ ආනයනික ඉන්ධන වියදම පසුගිය 2025 කාලයට සාපේක්ෂ සැලකිය යුතු අගයකින් ඉහළ ගොස් ඇතැයි අග්‍රමාත්‍ය ආචාර්ය හරිනි අමරසූරිය පැවැසුවාය. මැදපෙරදිග ගැටුම් හමුවේ ගෝලීය බොරතෙල් මිල සහ ආනයන පිරිවැය කෙරෙහි ඇතිව තිබෙන බලපෑම තක්සේරු කර තිබේද යන්න පසුගිය (21) පාර්ලිමේන්තුවේදී වාචික ප්‍රශ්න අපේක්ෂාවෙන් යොමු කර තිබූ පැනයකට පිළිතුරු ලබා දෙමින් අග්‍රාමාත්‍යවරිය මේ බව ස;හන් කළාය.

මෙහිදී තව දුරටත් කතා කළ අග්‍රාමාත්‍යවරිය සඳහන් කළේ, මෙම වසරේ පළමු භාගය තුළ ඉන්ධන ආයනය වියදම් සඳහා දළ වශයෙන් අමෙරිකානු ඩොලර් මිලියන 3,168ක් වැය කර ඇති බවත්, පසුගිය වසරේ (2025) එම කාලය තුළදී වැය වී ඇත්තේ අමෙරිකානු ඩොලර් මිලියන 1,995ක් වන බවත්ය. තවද එම කාලයට සාපේක්ෂව මෙම වසරේ ඉන්ධන වියදම් සැලකිය යුතු ලෙස ඉහළ ගොස් ඇතැයිද අගමැතිනිය පැවසුවාය.

✍️ ධාරා අබේනායක විසිනි.