නියඟය වැඩි පැතිවලට ආණ්ඩුවෙන් වතුර
වියළි, උණුසුම් කාලගුණය නිසා පීඩාවට පත්ව ඇති මඩකළපුව, මොනරාගල සහ අම්පාර ඇතුළු දිස්ත්‍රික්කවල ජනතාවට පානීය ජලය බෙදා හැරීමේ වැඩසටහනක් දිස්ත්‍රික් ලේකම්වරුන්ගේ ප්‍රධානත්වයෙන් ක්‍රියාත්මක කිරීමට රජය තීරණය කර ඇත. එල් නීනෝ තත්වයට මුහුණ දීම සඳහා අවශ්‍ය පියවර ගැනීමට පරිසර අමාත්‍ය වෛද්‍ය ධම්මික පටබැඳිගේ සභාපතිත්වයෙන් පත් කෙරුණු විශේෂ අමාත්‍ය මණ්ඩල අනුකමිටුව සහ නිලධාරි කමිටුව ජනාධිපති කාර්යාලයේදී පසුගියදා රැස්වූ අවස්ථාවේදී මෙම තීරණය ගනු ලැබිණි.
