කටට සැරට ෆිෂ් කට්ලට් හදමු – Fish Cutlet
ලොකු කුඩා කවුරුත් ආස කෑමක් තමයි කට්ලට්. තේ වෙලාවට වගේම බත් එක්කත් කන්න කටට සැරට කට්ලට් හදාගන්නෙ කොහොමද බලමු.
• අවශ්‍ය ද්‍රව්‍ය ( කට්ලට් 20ක් සඳහා)
තම්බාගත් අල 300g
මාළු 250g
බිත්තර දෙකක්
පාන් කුඩු 100g
අමු මිරිස් කරල් 2,3 ක්
සිහින්ව ලියාගත් ලූණු 100g
කරපිංචා
ලුණු ස්වල්පයක්
ගම්මිරිස් කුඩු ස්වල්පයක්
දෙහි බෑයක්
පොල් තෙල්
පාන්කුඩු
• සාදන ආකාරය
තැම්බූ අල පොතු ඇර හොඳට පොඩි කර ගන්න. මාළුත් ඒ ආකාරයට පොඩි කර ගන්න. සිහින්ව කපා ගත් අමු මිරිස්, ලූණු, කරපිංචා ටික බැදගන්න. (මිනිත්තු දෙකක් පමණ) එයට ලුණු සහ ගම්මිරිස් එක් කරන්න. මීලඟට මාළු ද එකතු කර දෙහි බිංදු කිහිපයක් දමා, පොඩි කරගත් අල ද එක් කරමින් හොඳට කලවම් කරගන්න. මිශ්‍රණය නිවුනට පස්සෙ කට්ලට් බෝල හදා ගන්න. ඉන්පසුව බිත්තර දෙක බීට් කරගෙන කට්ලට් වල තවරා ඉන්පසුව පාන් කුඩු වල තවර ගන්න. රන්වන් පාට වෙනතුරු ගැඹුරු තෙලේ බැදගන්න.
