බර්ත්ඩේ එකකට හොඳම තේරීමක් – Red Velvet Cake
මේ දවස්වල ජනප්‍රියම කේක් වර්ගයක් තමයි රෙඩ් වෙල්වට් කේක්. රස වගේම ලස්සන පෙනුමකුත් තියෙන රෙඩ් වෙල්වට් කේක් තේ වෙලාවට, උත්සව අවස්ථාවලට, බර්ත්ඩේ එකකට හොඳම තේරීමක්. ගෙදරදීම හරියටම රසට රෙඩ් වෙල්වට් කේක් හදාගන්නෙ කොහොමද බලමු. මේ කේක් එක 12 දෙනෙක් සඳහා ප්‍රමාණවත්.
• අවශ්‍ය ද්‍රව්‍ය
Cake flour 360 g
Baking soda තේ හැඳි 1ක්
කොකෝවා පවුඩර් 10g ක්
ලුණු තේ හැඳි ½ක්
බටර් ග්‍රෑම් 113g
සුදු සීනි 400g
එළවළු තෙල් 240 ml
බිත්තර 4ක්
වැනිලා මේස හැඳි 1ක්
සුදු විනාකිරි තේ හැඳි 1ක්
රතු පාට Food coloring
බටර් මිල්ක් 240ml
• Cream Cheese Frosting එකට
ක්‍රීම් චීස් 452g
බටර් 170 g
අයිසිං සීනි 600 g ක්
වැනිලා තේ හැඳි 1½ක්
ලුණු ස්වල්පයක්
• සාදාගන්නා ආකාරය
ඉස්සෙල්ලම අවන් 177°Cට ප්‍රී හීට් කරගන්න. අඟල් 9ක රවුම් කේක් ට්‍රේ දෙකක බටර් ගාලා ඒවගෙ පතුලට රවුම් හැඩයට කපාගත් Parchment paper අතුරන්න. පේපර් එකෙත් බටර් ටිකක් ගාගන්න.
දැන් ලොකු භාජනයකට Cake flour, බේකින් සෝඩා, කොකෝවා පවුඩර් සහ ලුණු දාලා හොඳට හලාගෙන කවලම් කරගන්න. වෙනත් භාජනයකට කාමර උෂ්ණත්වයේ තියෙන බටර් සහ සීනි දාලා විනාඩියක් විතර බීට් කරගන්න. ඊටපස්සෙ බිත්තර කහමද, තෙල්, වැනිලා සහ විනාකිරි එකතු කරලා තවත් විනාඩි දෙකක් විතර බීට් කරන්න. බිත්තර සුදුමද ටික වෙනම තියාගන්න.
දැන් ඉස්සෙල්ලා හදාගත්ත පිටි මිශ්‍රණය කොටස් දෙක තුනකට බෙදලා, බටර් මිල්ක් එක්ක මාරුවෙන් මාරුවට බැටර් එකට එකතු කරන්න. අඩු වේගයෙන් මේ ඔක්කොම බීට් කරගෙන ඔක්කොම මිශ්‍ර වුණාට පස්සෙ රතුපාට ෆුඩ් කලරින් එකතු කරන්න.
ඊළඟට වෙනම භාජනයක බිත්තර සුදුමද හතරම ඉහළ වේගයෙන් විනාඩි 3ක් බීට් කරන්න. ඒක කේක් බැටර් එකට එකතු කරලා මෘදුව කලවම් කරන්න. මේකෙන් කේක් එකට සොෆ්ට් ගතියක් ලැබෙනවා. දැන් බැටර් එක ට්‍රේ දෙකට සමානව දාලා විනාඩි 30–32ක් බේක් කරගන්න. කේක් එකේ මැදට ටූත්පික් එකක් ඇතුලු කරලා එළියට ගන්නකොට බැටර් එක තෙත ගතියට නොඇලී තියෙනවද කියලා බලන්න. අවශ්‍ය නම් තවත් මිනිත්තු කිහිපයක් බේක් කරන්න. (වැඩිපුර බේක් කිරීමෙන් කේක් එක වේලෙන්න පුළුවන්.) බේක් කළ කේක් දෙක ට්‍රේ එක තුළම සම්පූර්ණයෙන් සිසිල් කරගන්න.
• Cream Cheese Frosting එක හදාගන්න
භාජනයකට ක්‍රීම් චීස් සහ බටර් දාලා විනාඩි 2ක් සොෆ්ට් වෙනකං බීට් කරන්න. ඒකට අයිසිං සීනි, වැනිලා සහ ලුණු එකතු කරන්න. පළමුව අඩු වේගයෙන් තත්පර 30ක් බීට් කර පසුව ඉහළ වේගයෙන් විනාඩි 3ක් බීට් කරන්න. අයිසිං එක ක්‍රීම් වගේ සොෆ්ට් එකට තියෙන්න ඕන.
