පන්තියක උපරිම සිසුන් සංඛ්‍යාව තිස් පහකට සීමා කෙරේ
ඉදිරි වසර තුන ඇතුළත පන්තියක උපරිම සිසුන් සංඛ්‍යාව තිස් පහකට සීමා කිරීමට නියමිත බව පැවසේ. නව අධ්‍යාපන ප්‍රතිසංස්කරණ යටතේ සිසුන් සංඛ්‍යාව තිහකට හෝ තිස් පහකට සීමා කිරීමේ අවශ්‍යතාව කලක් තිස්සේ ගුරු පුහුණු කටයුතුවල යෙදී සිටින ගුරුවරුද අධ්‍යාපන බලධාරීන්ට පෙන්වා දී තිබිණි.
ලබන වසරේදී දෙක හා හය ශ්‍රේණි සිසුන් වෙනුවෙන් අධ්‍යාපන ප්‍රතිසංස්කරණ ක්‍රියාත්මක කිරීමට නියමිත අතර ඒ වෙනුවෙන් ගුරුවරුන් දසදහසක් පුහුණු කිරීමේ කටයුතු ජාතික අධ්‍යාපන ආයතනය මේ වන විට ආරම්භ කර තිබෙන බව සැලයි. එලෙස පුහුණුව ලබන ගුරුවරු ඒ ඒ පළාත්වල ගුරුවරුන් පුහුණු කළ අතර මෙම ශ්‍රේණි දෙකේ සියලු ගුරුවරු නොවැම්බර් මස තිස් වැනිදා වන විට පුහුණු කර අවසන් කිරීමට ජාතික අධ්‍යාපන ආයතනය සැලසුම් කර ඇති බවයි වාර්තා වන්නේ.
