You Season 5 Netflix – ප්‍රේක්ෂකයන් නොඉවසිල්ලෙන් බලා සිටි Netflix කතාමාලාවක් වන “You” Season 5 අප්‍රේල් 24 වැනිදා නිකුත් වී තිබේ. psychological thriller ගණයට අයත් මෙම කතා මාලාවේ පස්වෙනි වාරය සමගින් කතාවේ පෙර කොටසක චරිතයක් නැවත එක්වනු ඇතැයි ප්‍රේක්ෂකයන් බලා සිටියා.
බොහෝ දෙනා විශ්වාස කළේ ඒ තරුව Jenna Ortega බවයි. ඇය මින්පෙර You season 2 කතාමාලාවේ Ellie Alves ලෙසින් රංගනයෙන් දායක වුණා. Wednesday කතා මාලාවේ රංගනයත් සමගින් කාර්ය බහුලව සිටින ඇය පැවසුවේ You කතාමලාවේ රංගනය හේතුවෙන් ප්‍රේක්ෂකයන් තමාව වෙනස් ලෙස දුටු බවත් ඒ තුළින් තමාට වැඩි වැඩියෙන් රංගන අවස්ථා උදා වූ බවත් ය. Season 5 සඳහා Jenna Ortega සහභාගි කරවා ගැනීමට තිබුණානම් එය අපූරු බවත් ඔවුන් ඒ සඳහා උත්සාහ කළත් එය අසාර්ථක වූ බවත් You ප්‍රදර්ශනකරුවන් වන Michael Foley සහ Jastin W. Lo පවසා සිටියා.
– Hollywood Life ඇසුරෙනි –
