STSS – සිරුරේ මාංශපේශීන් දියකරන එසේත් නොමැතිනම් කා දමන ස්ට්රෙප්ටෝකොකල් ටොක්සික් ෂොක් සින්ඩ්රොම් [Streptococcal Toxic Shock Syndrome] (STSS) නමැති රෝගී තත්ත්වය ඇති කරන බැක්ටීරියාවක් ජපානයේ ව්යාප්ත වෙමින් පවතින බව විදෙස් පුවත් අනාවරණය කරයි. මේ වනවිට එම බැක්ටීරියාව ආසාදනය වූ රෝගීන් ගණන දහස ඉක්මවා ඇතැයි ජපන් සෞඛ්ය අංශ පවසයි. මෙම බැක්ටීරියාව ඉතා දුර්ලභ එකක් නමුත් පසුගිය වසරේ සිට එය ජපාන වැසියන් අතරේ වේගයෙන් පැතිරීමට පටන් ගෙන ඇතැයි පැවසෙයි.
ජපන් වෛද්යවරුන්ට අනුව, මෙම බැක්ටීරියාව ආසාදනය වූ පසු උණ, සීතල ගතිය, මස්පිඬු වේදනාව, කැරකිල්ල සහ වමනය මූලික රෝග ලක්ෂණ වෙයි. ඉන්පසු උගුරේ තුවාල, අවයව අක්රියවීම, සිරුර ඉදිමීම, අඩු රුධිර පීඩනය ආදී රෝග ලක්ෂණද ඇතිවෙයි. මෙම බැක්ටීරියාව සිරුරට ඇතුළු වී මාංශපේෂී අතරේ පැතිරෙයි. ඉන්පසු එය රුධිරයට ඇතුළු වෙයි. ඒ, බැක්ටීරියාවේ විෂ සිරුරට මුදා හරිමිනි. ස්ට්රෙප්ටෝකොකල් කාණ්ඩයට අයත් මෙම කාණ්ඩයේ බැක්ටීරියාව මාරක බව වෛද්ය මතයයි. මෙම බැක්ටීරියාවා ආසදනය වී පැය 48 ක් ඇතුළත රෝගියා අසාධ්ය තත්ත්වයට පත්වන බව ද පැවැසෙයි. මරණ සම්භාවිතාව සියයට 30 කි.
පිරිසුදුකම පවත්වාගෙන යෑම, නිතර අත් සෝදා පිරිසුදු කිරීම, කැස්ස ඇතිවිට හෝ කිවිසුම් යද්දී නාසය සහ මුඛය ආවරණය කර ගැනීම ආදී හොඳ පුරුදු මගින් මෙම බැක්ටීරියාව ආසාදනය වීම වළක්වා ගැනීමට හැකි බව වෛද්යවරු පෙන්වා දෙයි. බැක්ටීරියා පැතිරීම වයිරස මෙන් වේගවත් නොවන බවත්, මෙම බැක්ටීරියාවේ වේගවත් පැතිරීම ගැන තමන්ද දැඩි අවදානයෙන් පසුවන බව ලෝක සෞඛ්ය සංවිධානය නිකුත් කළ නිවේදනයක සඳහන් වේ.
-NDTV පුවත් ඇසුරෙනි-
