IPL 2024 ක්‍රීඩක වෙන්දේසිය ඊයේ (19) ඩුබායිහිදී පැවැත්වුනා. එහිදී ශ්‍රී ලංකාව නියෝජනය කරන වනිඳු හසරංග, කුසල් මෙන්ඩිස්, දුෂ්මන්ත චමීර, ඩිල්ෂාන් මධුශංක, දසුන් ශානක, චරිත් අසලංක, ලහිරු කුමාර, නුවන් තුෂාර යන ක්‍රීඩකයින් අටදෙනෙකු වෙන්දේසිය සඳහා ඉදිරිපත් වී තිබුනා.
මේ අතරින් ඊයේ පැවති LPL වෙන්දේසියේදී මුම්බායි ඉන්දියන්ස් කණ්ඩායම ඉන්දීය රුපියල් කෝටි 4.8 කට නුවන් තුෂාරද, ඉන්දීය රුපියල් කෝටි 4.6 කට ඩිල්ෂාන් මධුෂංකද මිලදී ගත් අතර හයිද්‍රාබාද් සන්රයිසස් කණ්ඩායම විසින් වනිඳු හසරංග ඉන්දීය රුපියල් කෝටි 1.5 මිලදී ගනු ලැබුවා. එය දල වශයෙන් තිලින තුෂාරට හිමිවූ මුදල ශ්‍රී ලංකා රුපියල් කෝටි 19 කටද, ඩිල්ෂාන්ට හිමිවූ මුදල ශ්‍රී ලංකා රුපියල් කෝටි 16 කටද ආසන්නය. වනිදු හසරංගට හිමිවූ මුදල දල වශයෙන් ශ්‍රී ලංකා රුපියල් කෝටි 6 ක් පමණ විය.
මෙම ක්‍රීඩක වෙන්දේසියේදී කණ්ඩායම් 10 සඳහා විදෙස් ක්‍රීඩකයන් 30 දෙනෙක් අලෙවි වූ අතර ශ්‍රී ලංකා ක්‍රීඩකයන් වන කුසල් මෙන්ඩිස්, දුෂ්මන්ත චමීර, දසුන් ශානක, චරිත් අසලංක සහ ළහිරු කුමාර මෙම වෙන්දේසියේදී අලෙවි වුයේ නැත.
