Saliya Pieris – පොලිස්පතිවරයා සම්බන්ධයෙන් ශ්‍රේෂ්ඨාධිකරණය දුන් තීන්දුවේ නීතිමය කරුණු ගැඹුරින් අධ්‍යයනය කර ඉදිරි දින දෙක තුළදී ඇමති මණ්ඩලයේ ප්‍රතිචාරය ප්‍රකාශ කිරීමට බලාපොරොත්තු වන බව ඊයේ (24) රැස්වූ අමාත්‍ය මණ්ඩලය තීරණය කල බව වාර්තා වුනා. එයට ප්‍රතිචාරයක් ලෙස මානව හිමිකම් ආරක්ෂා කිරීමේ නීතිවේදියකු ලෙස පිළීගැනීමක් ඇති නීතිවේදියකු වන ජනාධිපති නීතිඥ සාලිය පීරිස් ඔහුගේ සමාජ මාධ්‍ය තුල සටහනක් දක්වමින් අදහස් දක්වා තිබුණා.
” පොලිස්පතිවරයාගේ ස්ථාවරය සහ එහි නීතිමය කරුණු සම්බන්ධයෙන් ශ්‍රේෂ්ඨාධිකරණය ලබාදී ඇති නියෝගය හොඳින් අධ්‍යයනය කර ඉදිරි දින දෙක තුළ සිය තීන්දුව ප්‍රකාශ කිරීමට අමාත්‍ය මණ්ඩලය තීරණය කර ඇති බව වාර්තා වනවා.
අමාත්‍ය මණ්ඩලය විසින් කුමන තීරණයක් ගත්තද දේශබන්දු තෙන්නකෝන් මහතාට නඩු අවසන් තීරණය වනතුරු පොලිස්පතිවරයා ලෙස කටයුතු කිරීම අධිකරණය විසින් දැන් තහනම් කර ඇත. ශ්‍රේෂ්ඨාධිකරණයේ මෙම නියෝගය දැන් ක්‍රියාත්මකයි.
කැබිනට් තීරණවලින් අධිකරණ නියෝග අවලංගු කරන්න බැහැ. තෙන්නකෝන් මහතාට තවදුරටත් පොලිස්පතිවරයාගේ බලතල හෝ කාර්යයන් ක්‍රියාත්මක කළ නොහැක. ඕනෑම පාර්ශ්වයක් විසින් අධිකරණ නියෝගය නොතකා හැරීමට ගන්නා ඕනෑම උත්සාහයක් අධිකරණයට අපහාස කිරීමක් වන අතර නීතිමය බලයක් නොමැත.”
