procession අලි කුලප්පුවෙන් 13ක් පෙරහැරින් රෝහලට

procession – රුහුණු කතරගම මහ දේවාලයේ ඇසළ පෙරහැර ඊයේ [ජූලි 6] ආරම්භ වී සුළු මොහොතකට පසු, රාත්‍රි 9 ට පමණ පෙරහරේ ගමන් ගත් අලියෙකු කුලප්පු වීමෙන් ඇති වූ කළබලයේදී පෙරහැර නැරඹූ පුද්ගලයින් 13 දෙනෙකු පමණ තුවාල ලබා ඇතැයි කතරගම පොලිසිය පවසයි. පෙරහැර නරඹමින් සිටි පිරිස කළබල වී ඒ මේ අත දිව යෑමෙන් තුවාල ලබා ඇති අතර, තුවාලකරුවන් කතරගම රෝහලට ඇතුළත් කර ඇති බවත්, ඔවුන් අතර අසාධ්‍ය තත්ත්වයේ රෝගින් නොමැති බවත් රෝහල් ආරංචි මාර්ග සඳහන් කරයි.