Pathum Nissanka ඇෆ්ගනිස්ථානය සමග ඊයේ (09) පල්ලෙකැලේ ක්‍රීඩාංගනයේ පැවති ප්‍රථම ODI තරඟයේදී ශ්‍රී ලංකා ක්‍රිකට් ඉතිහාසයේ ඔහුගේ නම සනිටුහන් කළේ එක්දින ජාත්‍යන්තර ක්‍රිකට් පිටියේ ද්විත්ව ශතකයක් රැස් කළ සහ වැඩිම ලකුණු ලබාගත් පළමු ශ්‍රී ලාංකික ක්‍රිකට් ක්‍රීඩකයා බවට පත් වෙමිනි. සනත් ජයසූරිය 2000 වසරේ සාජාහිදී ඉන්දියාවට එරෙහිව රැස්කළ ලකුණු 189 මීට පෙර ශ්‍රී ලංකාව වෙනුවෙන් එක්දින ඉනිමක ලබාගත් ඉහළම ලකුණු සංඛ්‍යාව ලෙස සටහන්ව තිබුණි.
ආරම්භක පිතිකරු ලෙස පිටියට පැමිණි පැතුම් ඇෆ්ගනිස්තාන පන්දු යවන්නන් හමුවේ පන්දු 139කදී විශිෂ්ට ලකුණු 210*ක් රැස්කළ අතර පැතුම් ගේ එම ලකුණු 210 ත් සමග ශ්‍රී ලංකා කණ්ඩායම ලකුණු 381 ක් රැස්කළා. පැතුම්ගේ මෙම ලකුණු 210 ට හතරේ පහර 20 ක් සහ හයේ පහර 8 ක් ඇතුලත්.
මෙම වාර්තාවත් සමග පැතුම් නිශ්ශංක ලොව එක්දින ලකුණු 200 සීමාව පසු කළ පිතිකරුවන්ගේ ලැයිස්තුවට එකතු වනවා. ඔහු මෙම කීර්තිමත් ලැයිස්තුවේ සචින් ටෙන්ඩුල්කාර්, රෝහිත් ෂර්මා සහ ක්‍රිස් ගේල් වැනි ක්‍රීඩකයින් සමඟ එක් වේ.
