Parliament – පසුගියදා (මාර්තු 31) පැවති ප්රාදේශීය සභා මැතිවරණ ප්රචාරක වැඩසටහනක් අමතමින් පාර්ලිමේන්තු මන්ත්රී දයාසිරි ජයසේකර මහතා සදහන් කර තිබුණේ පාර්ලිමේන්තුවට නැවතත් “චොප්පේ” කෙනෙක් පැමිණ ඇති බවයි. එම චොප්පේ කිසිදු විපක්ෂ මන්ත්රීවරයෙකුට කතා කිරීමට නොව නැගිටීමටවත් අවස්ථාව නොදෙන බව පැවසු දයාසිරි ජයසේකර මන්ත්රීවරයා, මෙම ක්රියාව සම්බන්ධයෙන් කතානායකවරයාද මුණිවත රකින බව සඳහන් කළේය.
එසේම කතානායකවරයාගේ වම් ඇස වසා ඇති බවද එතුමාට දැන් දැකිය හැක්කේ දකුණු පස පමණක් බවත් (පාර්ලිමේන්තුවේ ආණ්ඩු පක්ෂ මන්ත්රීවරුන් සිටින පැත්ත) මන්ත්රීවරයා සදහන් කළ අතර පාර්ලිමේන්තුවේ සිටින මේ “චොප්පේ” අන් කවුරුත් නොව සභානායක බිමල් රත්නායක බවත් පාර්ලිමේන්තුවේ සියලු විපක්ෂ මන්ත්රීවරුන්ට ඔහුට බියේ කටයුතු කිරිමට සිදූවී ඇතැයිද තවදුරටත් විස්තර කළේය.
