NPP – ජනාධිපති රනිල් වික්රමසිංහ පාර්ලිමේන්තුවෙන් පිටතදී කළ ප්රකාශයක් සම්බන්ධයෙන් ඔහුට එරෙහිව නඩු පවරන්නට සිදුවෙන බව ජාතික ජන බලවේගයේ [මාලිමාව] නීතිඥයෝ අවධාරණය කරති. ඔවුන් මෙලෙස නඩුමඟට යන බව සඳහන් කරනුයේ කාන්තා අයිතිවාසිකම් සම්බන්ධ ශ්රේෂ්ඨාධිකරණය දුන් තීන්දුවේ සඳහන් නොවෙන කාරණාවක් ජනාධිපතිවරයා පාර්ලිමේන්තුවෙන් පිටතදී ප්රකාශ කර ඇති බව පවසමිනි. එනම් ශ්රේෂ්ඨාධිකරණය මැදිහත් වී “කාන්තා අයිතිවාසිකම් ගැටගසා දැම්මා” වැනි කතාවක් ඔහු ප්රකාශ කර ඇති බවත් ඒ අනුව මූලික අයිතිවාසිකම් නඩුවක් පැවැරීමට සිදුවන බවත්, විධායකයට අවශ්ය ආකාරයට පාර්ලිමේන්තුව තුළ සිදු කරන ප්රකාශ ඉන් පිටතදී සිදුකළ නොහැකි බවත්, රනිල් වික්රමසිංහ මහතාගේ ප්රකාශය පාර්ලිමේන්තුවට ඉදිරිපත් කර තිබෙන පනතට පටහැනි බවත් එම සංවිධානයේ නීතිඥ සුනිල් වටගල පැවසීය.
- Advertisement -