Nanuoya Railway Station – නානුඔය දුම්රිය ස්ථානය නවීකරණය කිරීම කඩිනම් කිරීමේ වැඩපිළිවෙළ මඟින්, දේශීය හා විදේශීය සංචාරකයන්ට ඇති වන ගැටලු නිරාකරණය වන බව ප්රවාහන, මහාමාර්ග, වරාය සහ සිවිල් ගුවන්සේවා අමාත්ය බිමල් රත්නායක පවසනවා.
ඒ අනුව, දුම්රිය දෙපාර්තමේන්තුව සහ රජය එක්ව මෙම ව්යාපෘතියට අවශ්ය ප්රතිපාදන වෙන් කිරීමට අපේක්ෂා කරන බවත්, සංචාරක කර්මාන්තය දියුණු කිරීමට දුම්රිය ස්ථාන නවීකරණය සහ නවීන සේවාවක් ලබාදීම වැදගත් වන බවයි නානුඔය දුම්රිය ස්ථානයේ නිරීක්ෂණ චාරිකාවකට එක්වෙමින් අමාත්යවරයා ප්රකාශ කළේ.
ඊට අමතරව නානුඔය – නුවරඑළිය දුම්රිය මාර්ගය හේතුවෙන් ජනතාවට වන බලපෑම පිළිබඳවද අමාත්යවරයා එහිදී සාකච්ඡා කර ඇති අතර, නානුඔය දුම්රිය ස්ථානය ආශ්රිතව හඳුනාගත් මූලික අවශ්යතා කඩිනමින් සම්පූර්ණ කිරීමට නියමිත බවයි වැඩිදුරටත් සඳහන් වන්නේ.
