Miss World 2025 – ඉන්දියාවේ තෙලන්ගනා ප්‍රාන්තයේ පැවති 72 වැනි ලෝක රූ රැජින තරඟාවලිය අතරතුරදී එංගලන්ත රූ රැජින Milla Magee තරඟාවලියෙන් ඉවත්වන බව නිවේදනය කිරීම කාගේත් අවධානයට ලක් වුණා. තරඟයෙන් ඉවත් වූ පසු ඇය පැවසුවේ ඔවුන් ඇයට “ගණිකාවකට මෙන්” සැලකූ බවයි. හයිද්‍රාබාද්වලදී තරඟකාරියන්ට සැලකීම සම්බන්ධව එංගලන්ත රූ රැජින තම විරෝධය පල කර සිටියා. තරඟ සංවිධායකයන් යල්පැන ගිය සම්ප්‍රදායික අදහස් දරන්නන් වූ බව ඇය පැවසුවා. පෞද්ගලික හේතුවක් මත තරඟයෙන් ඉවත්වන බව ඇය පළමුව පවසා සිටියත්, පසුව ඇය ඉන්දියාව තුළදි ඇයට මුහුණදීමට සිදුවූ සිදුවීම් ගැන කතා කළා.
“පිරිමි අමුත්තන් හය දෙනෙක් ඉන්න මේසෙක අපි ගැහැණු ළමුන් දෙදෙනෙක් ඔවුන් එක්ක රෑ කෑම කන්න වාඩි වෙන්න ඕන වුණා. ඉන් පස්සෙ අපි ඒ අමුත්තන්ට සංග්‍රහ කළ යුතුව තිබුණා. ඒක වැරදියි. මට ඒක අදහගන්නත් බැරි වුණා. මම තරඟයට ආවේ අනිත් අයව පිනවන්නවත්, ගොවිතැන් කරන්නවත් නෙමේ. අනික ඔවුන් අපි කතාවක් පවත්වන විටදිවත් ඒවාට ඇහුම්කන් දුන්නෙ නැහැ.”
යනුවෙන් ඇය පවසා සිටියා. ලෝක රූ රැජින තරඟාවලිය අතරතුරදි තරඟකාරියක් ඉන් ඉවත්ව ගිය ප්‍රථම අවස්ථාව මෙය වීම විශේෂත්වයක්.
– Mint ඇසුරිනි –
