JN.1 Covid variant – කොරෝනා වයිරසයේ Omicron නම් ප්රභේදයේ උප ප්රභේදයක් ලෙස හඳුන්වනු ලබන JN.1 නම් වෛරසය ලොව පුරා වේගයෙන් පැතිර යන බව ලෝක සෞඛ්ය සංවිධානය [WHO] විසින් අනතුරු අඟවා තිබේ. ඔවුන්,මෙම වෛරසය “අවධානයට දිය යුතු යුතු ප්රභේදයක්” ලෙස වර්ගීකරණය කර ඇත්තේ “සීඝ්ර ව්යාප්තිය” නිසා වන අතර JN.1 වෛරසය ඉන්දියාව, චීනය, එංගලන්තය සහ ඇමරිකාව ඇතුළු ලොව පුරා බොහෝ රටවලට ව්යාප්ත වෙමින් පවතින බව වාර්තා වේ.
මෙම ශීත ඍතුවේ දී Covid මෙන්ම උණ, ශ්වසන සමමුහුර්ත වෛරසය (RSV) සහ ළමා නියුමෝනියාව වැනි අනෙකුත් ආසාදනද වැඩි විය හැකි බවට අනතුරු අඟවන ලෝක සෞඛ්ය සංවිධානය, මෙම කොරෝනා වෛරසය මඟින් මිනිසුන්ට ඇති අවදානම දැනට අඩු මට්ටමක පවතින අතර වත්මන් එන්නත් මඟින් රෝගයට අඛණ්ඩව ආරක්ෂාව සැපයිය හැකි බවද පවසයි.
ආසාදන හා දරුණු රෝග වැළැක්වීම සඳහා පහත උපදෙස් පිළිපදින්නැයි WHO උපදෙස් දෙයි:
1.ජනාකීර්ණ මෙන්ම එසේ නොවන ස්ථානවලත් මුව ආවරණ පළඳින්න.
2.කැස්ස සහ කිවිසුම් අවස්ථාවල එය අන් අයගෙන් ආවරණය වී කරන්න.
3.ඔබේ දෑත් නිතිපතා පිරිසිදු කරන්න.
4.කොරෝනා සහ උණ එන්නත් සමඟ යාවත්කාලීනව සිටින්න.
5.අසනීප තත්වයකදී විවේකිව නිවසේ රැඳෙන්න.
6.කිසියම් විශේෂ රෝග ලක්ෂණයක් පෙන්නුම් කළ සැනෙන් වෛද්යවරයෙකු මුණගැසෙන්න.
-BBC News ඇසුරෙනි- by Philippa Roxby.
