Digital – උපයන විට බදු නිදහස් සීමාව මසකට රු.100,000.00 සිට 150,000.00 දක්වා ඉහළ ගිය බව ප්රකාශ වෙනවා. දේශීය ආදායම් මාණ්ඩලික නිලධාරීන්ගේ සංගමයේ ලේකම් K T චන්දන පැවසුවේ පොලී ආදායම මත මෙතෙක් අය කළ බදු අද සිට සංශෝධනය වන බවයි . මෙහිදී වැඩිදුරටත් අදහස් දැක්වූ ලේකම්වරයා සඳහන් කළේ, පොලී ආදායම් මත බදු අඩු කරද්දි කලින් තිබූ තත්වය දැනගත යුතු බවය. කුමන හෝ ආදායමක් හෝ පොලි ආදායමක් ඇත්නම් රඳවා ගැනීමේ බද්ධ අඩුකරන එක සිදුවූ නමුත් නව ක්රමවේදය අනුව එය සිදුවන්නේ වාර්ෂික ආදායම රුපියල් ලක්ෂ 18 ඉක්මවා යන පුද්ගලයන්ගෙන් පමණක් බවත්ය. එම බදු අනුපාතය 10% බව ද ඔහු වැඩිදුරටත් සඳහන් කර තිබේ.
මේ අතර ඉකුත් සමයේ දැඩි ආන්දෝලනයකට තුඩු දුන් විදෙස් රටවල් සඳහා Digital සේවා සපයා ලැබෙන ආදායමට 15% උපරිමයට යටත්ව බදු අය කරන සේවා අපනයන බද්ධ ද අද සිට ක්රියාත්මකයි. එමෙන්ම යම් දේපලක් බද්දට හෝ කුලියට දීමේ ගිවිසුම් පත්රයට අදාළ මුද්දර ගාස්තුද අද සිට ඉහළ යනවා. ඒ අනුව රු.1000.00 හෝ ඉන් කොටසක් සඳහා මෙතෙක් අය කළ රු.10.00 මුද්දර ගාස්තුව අද සිට ඉහළ යන්නේ රු.20.00 දක්වායි. කෙසේ වෙතත් උපයන විට බදු සීමාව හෙවත් Payee Tax සංශෝධනය වීමත් සමඟ මාසිකව 150.000.00 වැටුපක් ලැබූ පුද්ගලයකුගෙන් මෙතෙක් අය කළ රු.3500.00 ක බද්ද අද සිට අය කෙරෙන්නේ නැහැ. රු.200,000.00 මාසික වැටුපක් ලැබූ අයකු මීට පෙර රු.10,500.00 බද්දක් ගෙවූ අතර ඔහු දැන් ගෙවිය යුත්තේ රු.3000.00 පමණයි. එමෙන්ම ඕනෑම තැන්පතු හිමියකුට ගෙවිය යුතු පොලිය හෝ වට්ටම් ගෙවීම මත 10% ක ප්රමාණයකින් අත්තිකාරම් ආදායම් බදු අය කිරීමද අද සිට ක්රියාත්මක වනවා. දේශීය ආදායම් දෙපාර්තමේන්තුව පැවසුවේ වාර්ෂික ආදායම රු.1,800,000.00 අඩු පුද්ගලයින්ට තැන්පතු මත පොලිය හෝ වට්ටම් සඳහා ගෙවන අත්තිකාරම් බදු ඉවත් කර ගැනීම සඳහා සහනයක්ද ඉල්ලා සිටිය හැකි බවයි. අදාළ බදු සහනය ඉල්ලා සිටීමට අපේක්ෂා කරන්නේ නම් අදාළ බැංකු හෝ මූල්ය ආයතන වෙත ඊට අදාළ ස්වයං ප්රකාශයක් ඉදිරිපත් කළ යුතු බවද වැඩිදුරටත් සඳහන් වේ.
