Dambulla Industrial Estate – දඹුල්ල කර්මාන්තපුරය ස්ථාපනය කිරීම සඳහා කැබිනට් අනුමැතිය හිමි වී තිබෙනවා.
කර්මාන්ත සහ ව්යවසායකත්ව සංවර්ධන අමාත්යාංශය මඟින් ක්රියාත්මක කරනු ලබන “ප්රාදේශීය කර්මාන්තපුර සංවර්ධන වැඩසටහන” යටතේ දිවයින පුරා කර්මාන්තපුර 33ක් මේ වන විට ඉදිකර ඇති අතර, නව කර්මාන්තපුර 07ක සංවර්ධන කටයුතු මේ වන විටත් සිදු කෙරෙමින් පවතින බවයි අදාළ කැබිනට් තීරණයේ දැක්වෙන්නේ.
ආහාර නිෂ්පාදන සහ ආහාර ඇසුරුම්කරණ කර්මාන්ත සඳහා විශේෂිත කර්මාන්තපුරයක් ලෙස දඹුල්ල කර්මාන්තපුරය ස්ථාපනය කිරීමට හඳුනාගෙන ඇති අතර, ඒ සඳහා දඹුල්ල ප්රාදේශීය ලේකම් කොට්ඨාසයේ ඇළෙන් එගොඩයාය ගම්මානයේ ඉඩමක් මේ වන විට හඳුනාගෙන ඇති බව සඳහන්.
ඒ අනුව, දඹුල්ල කර්මාන්තපුරය ස්ථාපිත කිරීම සඳහා එහි යටිතල පහසුකම් සංවර්ධනය කිරීම පිණිස, 2025 වර්ෂයේ ප්රතිපාදනවලින් රුපියල් මිලියන 750ක් වෙන් කර ඉදිරි කටයුතු සිදු කිරීම සඳහා කර්මාන්ත සහ ව්යවසායකත්ව සංවර්ධන අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර තිබෙන බවයි වැඩිදුරටත් සඳහන් වන්නේ.
