Lilo And Stitch – මිනිස්සු, සත්තු විතරක් නෙමේ පිටසක්වළ ජීවීන් හෝ වේවා මේ ඕනෑම අයෙක් ආදරේ ලබන්න කැමතියි. ජීවය කියන දේ පවතින්නෙම සහයෝගය සමග බැඳෙමින්. අපි හැමෝම තනිවෙන්න බයයි.
626 නමැති නිල්පාට පුංචි පිටසක්වළ ජීවියා පෘථිවියට එන්නෙ අත්වැරදීමක් නිසා. දඟකාරයෙක් වුණු මේ ජීවියා තීරණය කරනව ආරක්ෂාව තකා බව්වෙක් වගේ හැසිරෙන්න. එහෙම ඉන්න අතරවාරයේ තමයි 626 ට Lilo කියන පුංචි ගැහැණු ළමයව හමුවෙන්නෙ. බව්වෙක්ට ආසාවෙන් සිටිය Lilo ට මේ පුංචි අමුත්තා හමුවුණාට පස්සෙ එයාව තමන්ගෙ ගෙදර අරන් යන Lilo නිල් පාට අමුත්තාට Stitch කියන නම දෙනවා.
Lilo ගෙ අම්මයි තාත්තයි නැහැ. ඇය ජීවත්වුනේ තරුණ සහෝදරිය නානිත් එක්ක. ඇත්තටම නානිට Lilo ව බලාකියාගන්න තරම් පුරුද්දක් තිබුණෙ නැහැ. ඉතින් මේ පුංචි හවායි ගැහැණු ළමයාට දැණුනෙ තනිකමක්. ඒ තනිකම stitch ආවට පස්සෙ අඩුවෙන්න ගත්තා. කොහොම වුණත් stitch නිසා සහෝදරියන්ට හිනායන අකරතැබ්බ රාශියකට මුහුණ දෙන්නත් සිද්ධවුණා. Stitch ව කිසියම් පිරිසක් ලුහුබැඳීමත්, Lilo ගෙ රැකවරණය සම්බන්ධ ගැටළුත් නිසා මේ තුන්දෙනාට කරදරවලට මුහුණදෙන්න සිදුවුණා. ඔවුන් තුන්දෙනාගෙම ආසාව වුණේ එකට ජීවත්වීම.
සතුට, සැනසීම පිරුණු පවුලක් කියන්නෙ මොනතරම් නම් සැනසිල්ලක්ද…? ආදරේට සීමා මායිම් නැහැ. නාඳුනන ග්රහලෝකෙකින් ආව පුංචි ජීවියෙක්ට වුණත් පුළුවන් ඔබේ ජීවිතේ සතුටෙන් පුරවන්න. ආදරේ කියන්නෙ විශ්වීය භාෂාවක්!
