Celebrations – අලුත් අවුරුද්ද මහත් උනන්දුවෙන් ජනතාව අද සමරනු ලැබුවා. ඒ, නැකැත්වලට මුල්තැන දෙමින්. ඒ අනුව ඊයේ රාත්රී 08.57ට උදා වූ පුණ්ය කාලය තුළදී ජනතාව ආගමික වතාවත්වල නිරත වුණා.මෙවර අලුත් අවුරුද්ද අද අලුයම 03.21ට උදා වුණා. ඉන් අනතුරුව ආහාර පිසීමේ නැකත උදා වුණේ අලුයම 04.04ටයි.
තඹ වර්ණ වස්ත්රාභරණයෙන් සැරසී දකුණු දිශාව බලා ලිප් බැඳ, ගිනි මොළවා කිරිබතක් හා කැවිලි වර්ගයක් ද දීකිරි සහ විලඳ ද ජනතාව පිළියෙල කරගනු ලැබුවා. මුතු හා ශ්වේත වර්ණ වස්ත්රාභරණයෙන් අලුත් අවුරුද්දේ වැඩ ඇල්ලීම, ගණුදෙනු කිරීම හා ආහාර අනුභව කිරීම උදෑසන 06.44ට සිදුකළා.
