Eminem – අමෙරිකානු රැප් ගායක Eminem සීයා කෙනෙක් වී තිබෙනවා. 2024 ඔක්තෝම්බර් මාසයේදී රැප් ගායකයා පවසා සිටියේ තම දියණිය Hailie Jade ඇගේ පළමු දරුවා අපේක්ෂාවෙන් සිටින බවයි. මාස කිහිපයකට පසුව එම පුවත සනාථ කරමින් ඇයට පිරිමි දරුවෙකු ලැබී තිබේ. 2025 අප්‍රේල් 4 වැනි දින Hailie විසින් සිය පුතුගේ උපත Instagram ඔස්සේ ලොවට පවසා තිබුණා.
දරුවා උපත ලබා තිබුණේ පසුගිය මාර්තු 14 වැනිදා. ඔහුට Elliot Marshall McClintock යනුවෙන් නම් තබා තිබෙනවා. “3 Weeks Earthside Little e” යන ශීර්ෂපාඨය සහිතව, Haillie දරුවාගේ ඡායාරූප මුදාහැර තිබූ අතර වලස් කන් සහිත සුවපහසු හූඩියකින් කුඩා දරුවාව සරසා තිබුණා. Eminem සහ Kim Scott Mathers ගේ එකම දරුවා වන Hailie ගේ වයස අවුරුදු 29ක්.2024 මැයි මාසයේ ඇය Evan McClintock සමගින් විවාහ වුනා. ” අපට උදව් කළ, අපගේ ජීවිතයේ මෙම නව පරිච්ඡේදය වෙනුවෙන් සහයෝගය දුන් පවුලේ අය සහ සියලු මිතුරන්ට Evan සහ මම බෙහෙවින්ම ස්තුතිවන්ත වෙනවා” යැයි ඇය පවසා තිබුණා.
– Hollywood Life ඇසුරෙනි –
