UDA – නාගරික සංවර්ධන සහ නිවාස අමාත්‍යවරයාගේ තීරණයක් මත නාගරික සංවර්ධන අධිකාරියේ අධ්‍යක්ෂ ජනරාල් ප්‍රසාද් රණවීර මහතාගේ සේවය අත්හිටුවා තිබේ. අමාත්‍යවරයාට ඇති බලතල අනුව මෙම තීරණය ගෙන ඇති බව ඒ පිලිබඳ තීරණය ලිඛිතව ඒ මහතාට දැනුම් දී ඇති බව සඳහන්. ඒ, උරුමය ඉඩම් ඔප්පු වැඩසටහන කඩිනම් කිරීමට ලබාදුන් උපදෙස් ක්‍රියාත්මක නොකිරීමේ චෝදනාව මත ය.
මාධ්‍ය වෙත වාර්තා වන ආකාරයට එයට සබැ හේතුව වන්නේ පසුගිය දිනක නාගරික සංවර්ධන අධිකාරියෙහි පැවැත්වූ සාකච්ඡාවක් අතරතුර නීතිමය රාමුවෙන් පරිබාහිරව රුපියල් බිලියන 80 ක මුදලක් වැය කරන ලෙසට නාගරික සංවර්ධන අධිකාරියේ අධ්‍යක්ෂ ජෙනරාල් ප්‍රසාද් රණවීරට අමාත්‍ය වරයා නියෝග කිරීමත්, එයට අධ්‍යක්ෂ ජනරාල්වරයා අකමැත්ත පලකිරිමත්ය.
වනාතමුල්ලේ සිරිසරපුර සහ දෙමටගොඩ මිහිඳු සෙන්පුර නිවාස සංකීර්ණ වල නිල වශයෙන් ලක්ෂ තුනක මුදලක් පියවා තිබූ හිමිකරුවන් හට ඔප්පු ප්‍රදානය කිරීම සඳහා කටයුතු කළ නාගරික සංවර්ධන අධිකාරියේ අධ්‍යක්ෂ ජනරාල් ප්‍රසාද් රණසිංහ එම ඔප්පු සඳහා වූ මුද්දර ගාස්තු රාජ්‍ය භාණ්ඩාගාරයෙන් ඉල්ලුම් කර තිබිණ. එම මුදල නාගරික සංවර්ධන අධිකාරියේ ස්ථිර තැන්පතු කල් පිරීමට මත්තෙන් ආපසු ගෙන වැය කරන ලෙස එම සාකච්චාවේදී අමාත්‍ය වරයා අධ්‍යක්ෂ ජනරාල්වරයාගෙන් ඉල්ලා තිබේ. නමුත් එම වැය කිරීම ඇමතිවරයාගේ වාචික හෝ ලිඛිත ඉල්ලීම මත සිදු කළ නොහැකි බවත් ඒ සඳහා අධ්‍යක්ෂ මණ්ඩල අනුමැතිය අවශ්‍ය බවත්, එහි නීතිමය තත්වයන් පිළිබඳවත් අධ්‍යක්ෂ ජනරාල් වරයා ඒ අවස්ථාවේ අමාත්‍යවරයාට පැහැදීලි කර දී ඇත.
එයින් සෑහීමට පත් නොවූ අමාත්‍යවරයා සුපුරුදු වාග් මාලාවෙන් අධ්‍යක්ෂ ජනරාල්වරයාට බැනවැදී ඇති බවත්, ඒ අවස්තාවෙදීම අධ්‍යක්ෂ ජනරාල්වරයාගේ සේවය අත්හිහිටුවන බවටත් ප්‍රකාශ කර ඇත. එහි ප්‍රතිපලයක් ලෙස අධ්‍යක්ෂ ජනරාල්වරයාගේ සේවය අත්හිටුවා ඇති බවයි අභ්‍යන්තර ආරංචිමාර්ග ඔස්සේ අපට වාර්තා වන්නේ.
