Today’s Weather Report – බස්නාහිර, සබරගමුව, සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කලත් විටින් විට වැසි ඇති වන අතර බස්නාහිර සහ සබරගමුව පළාත්වලත්, මහනුවර, නුවරඑළිය සහ පුත්තලම දිස්ත්රක්කවල ඇතැම් ස්ථානවලට මිලි මීටර් 100ට වැඩි වැසි ඇති විය හැකි බවත්
කාලගුණවිද්යා දෙපාර්තමේන්තුව පවසයි. මධ්යම කඳුකයේ බටහිර බෑවුම් ප්රදේශවලත්, උතුරු, උතුරු මැද සහ වයඹ පළාත්වලත්, ත්රිකුණාමලය, හම්බන්තොට සහ මොණරාගල දිස්ත්රික්කවලත් විටින් විට තද සුළං ඇති විය හැකි අතර මාතලේ සහ අනුරාධපුර දිස්ත්රික්කවල සිහින් වැසි වාර කීපයක් ඇති විය හැකි බවද පැවසේ.
මන්නාරම සිට පුත්තලම හරහා හලාවත දක්වා සහ හම්බන්තොට සිට පොතුවිල් දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැයට කිලෝ මීටර් 60 – 65ත් වන අතර එම මුහුදු ප්රදේශවල මුහුද විටින් විට රළු විය හැකිය. හලාවත සිට කොළඹ සහ ගාල්ල හරහා හම්බන්තොට දක්වා සහ ත්රිකුණාමලය සිට මුලතිව් සහ කන්කසනතුරේ හරහා මන්නාරම දක්වා වෙරළට ඔබ්බෙන් වන මුහුදු ප්රදේශවල සුළඟේ වේගය විටින් විට පැයට කිලෝ මිටර් 50 – 55 දක්වා වැඩි වන අතර එම මුහුදු ප්රදේශද රළු වේ. කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්රදේශවල මුහුදු රළ උස මිටර් 2.0 – 2.5 දක්වා ඉහළ යා හැකි අතර ඒවා ගොඩබිමට එන රළ නොවන නමුත් ධීවර ජනතාව ඒ සම්බන්ධයෙන් සැළකිලිමත් විය යුතු බව කාලගුණ විද්යා දෙපාර්තමේන්තුව වැඩිදුරටත් සඳහන් කරයි.
