T20 world cup 2024 ක්‍රිකට් තරගාවලියේ ශ්‍රී ලංකාව සහ නෙදර්ලන්තය අතර පැවති තරගයෙන් ලකුණු 83ක ජයක් ශ්‍රී ලංකාවට හිමිවිය. මෙම තරගය ජයග්‍රහණයෙන් අවසන් වුවද ලෝක කුසලානය පිළිබඳ බලාපොරොත්තු අතහැර නැවතත් ශ්‍රී ලංකාවට ඒමට ශ්‍රී ලංකා කණ්ඩායමට සිදුව තිබෙනවා. ශ්‍රී ලංකාව මෙවර විස්සයි 20 ලෝක කුසලාන තරගාවලියේ ලැබූ එකම ජයග්‍රහණය මෙයයි.
මෙම තරගයේ පළමුවෙන් පන්දුවට පහරදුන් ශ්‍රී ලංකා කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 201ක් ලබා ගැනීමට සමත් විය.
අනතුරුව පිළිතුරු ඉනිම ක්‍රීඩා කිරීමට පිටියට පැමිණි නෙදර්ලන්ත කණ්ඩායමට පන්දුවාර 16යි පන්දු 4කදී රැස්කරගත හැකි වූයේ ලකුණු 118ක් පමණයි.
ඒ අනුව මෙම තරගාවලියට ශ්‍රී ලංකාව සහභාගි වන අවසන් තරගය මෙය බැවින් ශ්‍රී ලංකා කණ්ඩායම නිල වශයෙන් සුපිරි 8 වටයෙන් ඉවත්ව ඇත.
