Statistics – ශ්‍රී ලංකාවේ එක් පුරවැසියෙකුට මසක කාලයක් ජීවත්වීම සඳහා සිය මූලික අවශ්‍යතා ඉටුකර ගැනීම වෙනුවෙන් අවම වශයෙන් රුපියල් 17,014ක මුදලක් වැය වන බව ජන හා සංඛ්‍යාලේඛන දෙපාර්තමේන්තුව ප්‍රකාශ කරයි. ඒ අනුව, 4 දෙනකුගෙන් යුත් පවුලක් සිය මූලික අවශ්‍යතා සපුරා ගැනීම සඳහා මසකට අවම වශයෙන් රුපියල් 68,056 මුදලක් වැය කළ යුතු බව එම වාර්තාව වැඩිදුරටත් සඳහන් කරයි. එම දෙපාර්තමේන්තුව විසින් මෙරට නිල දරිද්‍රතා රේඛාව සම්බන්ධයෙන් 2024 වසර සඳහා සිදුකළ සමීක්ෂණයකදී මෙම තොරතුරු අනාවරණය වී තිබේ.
එම සමීක්ෂණයට අනුව කොළඹ ප්‍රදේශයේ ජීවත්වන පුද්ගලයකුට සිය මූලික අවශ්‍යතා ඉටුකර ගැනීම සඳහා අවම වශයෙන් මසකට රුපියල් 18,350ක මුදලක් වැය වන අතර, මොණරාගල ප්‍රදේශයේ පදිංචිකරුවෙකුට එය මසකට රුපියල් 16,248 කි. ජන ලේඛන හා සංඛ්‍යා ලේඛන දත්ත අනුව 2019 වසරේදී සිය මූලික අවශ්‍යතා ඉටුකර ගැනීම සඳහා එක් පුද්ගලයකුට වැය වී ඇත්තේ රුපියල් 6,966 ක මුදලක් වන අතර වසර 5ක කාලයක් ඇතුළත එක් පුද්ගලයෙකු සඳහා වැය වන වියදම රුපියල් 10,048ක මුදලකින් වැඩි වී තිබේ.
