Zimbabwe Vs Sri Lanka T20i ප්රථම තරඟය කොළඹ ආර්. ප්රේමදාස ක්රීඩාංගණයේදී ඊයේ (14) රාත්රී පැවැත්වුනා. ඇන්ජලෝ මැතිව්ස් සහ දසුන් ශානක පළමු වැනි විස්සයි-20 තරගයේදී කඩුලු 3 ක ජයක් කරා ශ්රී ලංකා කණ්ඩායම රැගෙන යාමට සමත් වුනා. දිගු කලකට පසුව ලකුණු අතරට පැමිණි හිටපු නායක දසුන් ශානක (පන්දු 18 කින් ලකුණු 26) මැතිව්ස්ට අගනා සහයෝගයක් දෙමින් තරගයේ අවසන් පන්දුව දක්වාම පිටියේ රැඳී සිටියා.
හත්වැනි කඩුල්ල වෙනුවෙන් මැතිව්ස් සහ දසුන් ශානක දෙදෙනා අතර පැවැති සම්බන්ධතාව ලකුණු 55 ක්. පන්දු 38 තුල ලකුණු 46 ක් ලබාගත් ඇන්ජලෝ මැතිව්ස් සහ දසුන් 19 වැනි ඕවරය යැවූ රිචඞ් ගරාවාගේ පන්දු වාරයට ලකුණු 19ක් ලබාගත්තා. ජයග්රහණය සඳහා අවසන් ඕවරයේදී ලකුණු 14 ක් අවශ්යව තිබු අතර ඇන්ජලෝ මැතිව්ස් දැවියාමෙන් පසුව පිටියට පැමිණි දුෂ්මන්ත චමීර එම ඉලක්කය සපුරා ගත්තේ ශ්රී ලංකා කණ්ඩායමට පළමු තරගයේ ජයග්රහණය ගෙන එමින්.
ශ්රී ලංකා නායක වනිඳු හසරංග විසින් කාසියේ වාසිය දිනාගනු ලැබීමෙන් අනතුරුව සිම්බාබ්වේ පිලට පළමුවෙන් පන්දුවට පහර දීමට ආරාධනා කළා. සිම්බාබ්වේ කණ්ඩායම නියමිත ඕවර 20 අවසානයේදී කඩුලු 5 ක් දැවී ලකුණු 143 ක් ලබාගත්තා. මෙහිදී සිම්බාබ්වේ නායක සිකන්දර් රාසා පන්දු 42 කින් ලකුණු 62 ක් ලබාගනිමින් අර්ධ ශතකයක් වාර්තා කළා. පන්දු යැවීමේදී ශ්රී ලංකාව වෙනුවෙන් මහිෂ් තීක්ෂණ (16/2) සහ වනිදු හසරංග (19/2) කඩුලු දෙක බැගින් ලබාගත්තා.
සම්පුර්ණ ලකුණු පුවරුව පහතින්.
