Emmerson Mnangagwa – “The Crocodile” යන අන්වර්ථ නාමයෙන් හඳුන්වන Emmerson Mnangagwa දෙවන වරටත් සිම්බාබ්වේ ජනපති ධුරයට තේරී පත්ව තිබෙනවා. 80 හැවිරිදි ඔහු 52.6% ක ඡන්ද ප්‍රතිශතයකින් ජනාධිපතිවරණය ජයග්‍රහණය කර තිබෙනවා. ඔහු පළමුවරට ජනපති ධුරයට පත්වූයේ 2017 වසරේදී. ඒ හිටපු ජනපති රොබට් මුගාබේ බලයෙන් පහකිරීමත් සමගින්. සිය කුරිරුකම නිසාම Crocodile ලෙසින් හැඳින්වෙන Mnangagwa ගේ ජයග්‍රහණය වංචාකාරී එකක් බවත් මෙම මැතිවරණය දූෂිත එකක් බවත් එරට විපක්ෂය චෝදනා කරනවා. සිම්බාබ්වේ පසුගිය මාසයේ ලොව ඉහළම උද්ධමනයක් සහිත රටවල් අතරින් එකක් ලෙස නම් කෙරුණා.
-BBC ඇසුරෙනි –
