Lucy Letby නම් හෙදිය බිළිඳුන් අට දෙනෙකු ඝාතනය කිරීමේ වරදට වරදකරු වූ අතර ඇයට හිමි දඬුවම් නියම කිරීමට නියමිතය, ඇය වර්තමානයේ එක්සත් රාජධානිය තුළ වඩාත්ම කතාබහට ලක්වන ළමා දාම ඝාතකයා ලෙස හැදින්වේ.
33 හැවිරිදි වියේ පසුවන ඇය Chester රෝහලේ තවත් බිලිඳුන් 6 දෙනෙකු ඝාතනය කිරීමට තැත් කිරීම සම්බන්ධයෙන්ද වරදකරු විය. එක්සත් රාජධානියේ දීර්ඝතම කාලයක් විභාග කෙරුණු මිනි මැරුම් නඩුව ලෙස සැළකෙන මෙම නඩුව මාස 10 කට වඩා වැඩි කාලයක් විභාග කෙරුණි. නඩු විභාගය සදහා උසාවියට පැමිණීම ප්‍රතික්ෂේප කළ අපරාධකාරිය එය video තාක්ෂණය ඔස්සේ නැරඹීමද ප්‍රතික්ෂේප කළාය, Manchester අධිකරණය ඇය උසාවියට නොපැමිණීමට හේතු ප්‍රකාශ නොකළ බව ඇයගේ නීති කණ්ඩායම ප්‍රකාශ කර තිබේ. ඇය නඩු විභාගයට පෙනී නොසිටියහොත්, වින්දිත පවුල්වල ප්‍රකාශ ඇයට ඇසෙන්නේ නැත – එමෙන්ම අපරාධය නිසා ඔවුන්ට සහ ඔවුන්ගේ සමීපතමයන්ට ඇති වූ බලපෑම ගැන උසාවියට පැවසීමටද ඔවුන්ට අවස්ථාවක් ලැබේ. එමෙන්ම විනිසුරු James Goss මහතා දඩුවම දීර්ඝ වීමට සහ ලබාදෙන දඩුවම පිළිබද කරන ප්‍රකාශයන්ද ඇයට නොඇසෙනු ඇත.
Letby – 2015 ජූනි සහ 2016 ජූනි අතර කාලය තුළ මෙම ඝාතනයන් සිදු කර ඇත්තේ, ළදරුවන්ට එන්නත් කිරීම මගින්, බලහත්කාරයෙන් කිරි පෙවීම මගින් සහ ළදරුවන් දෙදෙනෙකුට විෂ කළ ඉන්සියුලින් ලබා දීම මගින් බව සිකුරාදා උසාවියේදී ප්‍රකාශ කෙරුණු අතර ඇය එයට සහභාගී නොවුවාය. අගෝස්තු 8 වෙනිදා පැය 76 ක සාකච්ජාවකින් පසුව ජූරියේ ප්‍රධානියා විසින් පළමු තීන්දුව ලබා දුන් අවස්ථාවේ ඇය කදුළු සැලූ බවද සදහන් වේ. අගෝස්තු 11 වනදා දෙවන තීන්දුව ලබා දෙන විටද ඇය හඩා වැටී තිබේ.
දඩුවම ප්‍රකාශ කරන විට වරදකරුවන් උසාවියේ සිටීම අනිවාර්ය කර නව නීති සැකසීමටද මේ වන විට කටයුතු කරන බව වාර්තා වන්නේ ඇය සිය තීන්දුව ප්‍රකාශ කරන මොහොතේ උසාවියට පැමිණ නොසිටි නිසා බවද සදහන් වේ. හිටපු බන්ධනාගාර කොමසාරිස්, මහාචාර්ය Ian Acheson බී.බී.සී යට පැවසුවේ, “ඔවුන් හානි සිදු කළ පුද්ගලයන් ඉදිරියේ වරදකරුවන්ට දඩුවම් ලබා දීමේ බලය උසාවි විනිසුරුවන්ට තිබිය යුතු” බවය. දඩුවම් ලබා දෙන අවස්ථාවේ විත්තිකරුවන් උසාවියේ පෙනී සිටීම අනිවාර්ය කර නීති සම්පාදනයට තමන් කැප වී සිටින බවද රජය පැවසීය. හිටපු අධිකරණ ලේකම් ශ්‍රීමත් Robert Buckland ආණ්ඩුවේ නිවේදනයට සහය දක්වමින් ප්‍රකාශ කළේ, විත්තිකරුවන් විත්ති කූඩුවේ පෙනී සිටීම ප්‍රතික්ෂේප කළහොත්, දිගු සිර දඬුවම් ලැබීම වැනි දැඩි ප්‍රතිවිපාකවලට ඔවුන් ලක් කළ යුතු බවයි.
-BBC News ඇසුරෙනි-
Photo Credit: foxnews.com /smailjoystv.com
