Burger King – තියුණු ලෙස මිළ ඉහළ යෑම නිසා ඉන්දියාවේ Burger King ජාලය සිය මෙනුවෙන් තක්කාලි ඉවත් කර ඇත. “තක්කාලි භෝගවල ගුණාත්මකභාවය සහ සැපයුම පිලිබඳ අනපේක්ෂිත තත්වයක් නිසා” මෙම තීරණය ගත් බව ඔවුන් පවසයි. ආර්ථික විද්වතුන්ගේ අදහස වුයේ අයහපත් කාලගුණික හේතුන් නිසා ඇති වූ වගා හානි වෙළෙදපොලට තක්කාලි සැපයිමට බධාවක් වී ඇති බවයි.
මෙම සතිය මුලදි ඇමරිකානු සැන්ඩ්විච් නිෂ්පාදකයෙකු වන Subway ද තක්කාලි තම මෙනුවෙන් ඉවත් කළේය. ඉන්දියාවේ ආහාර උද්ධමනය 2020 ජනවාරි මාසයේ සිට ඉහළම අගයට පැමිණ ඇති බව Reuters පුවත් සේවය වාර්තා කරයි. මෝසම් වැසි නිසා බෝග සහ සැපයුම් දාම කඩාකප්පල් වීමත් සමග ජූලි මාසයේදී තක්කාලි කිලෝවක මිල රුපියල් 250 (US$3) දක්වා ඉහළ යෑමත් සමගම මෑත මාස වල ඉන්දියාවේ අත්‍යාවශ්‍ය ද්‍රව්‍ය වල මිළද ඉහළ ගොස් තිබේ.
Burger King India තම නිල වෙබ් අඩවියට “අපේ බර්ගර් වල තක්කාලි නැත්තේ ඇයි?” යනුවෙන් නව අංශයක් එක් කර තිබිණි. එම ජාලයේ හිමිකරු පැවසුවේ “ඉතා උසස් තත්ත්වයේ ප්‍රමිතීන්” තමන් අනුගමනය කරන බවත් තක්කාලි ඉක්මනින්ම මෙනුවට පැමිණෙන බවත්ය. “එතෙක් ඔබ ඉවසීමෙන් සහ අවබෝධයෙන් සිටිනු ඇතැයි අප බලාපොරොත්තු වන” බව ඔහු වැඩිදුරටත් සඳහන් කර තිබිණි.
-BBC News ඇසුරෙනි-
