Money Laundering – සිංගප්පුරු පොලීසිය දියත් කළ මෙහෙයුමකදී මුදල් විශුද්ධිකරණයට එරෙහි විශාලතම අත්අඩංගුවට ගැනීම පසුගිය දිනක සිදු කළ බවට වාර්තා වේ. සුඛෝපභෝගී නිවාස,මෝටර් රථ සහ මුදල් ඇතුළුව සිංගප්පූරු ඩොලර් බිලියනයක (US$735m; £578m) පමණ වත්කම් මෙහිදී අත්අඩංගුවට ගෙන ඇත. මුදලින් US$17m ක් පමණ ඇති බවද සදහන්වෙයි.
මෙම මෙහෙයුමේදී පොලිසිය පුද්ගලයන් දස දෙනෙකු අත්අඩංගුවට ගෙන ඇති අතර ඔවුන් සියලුම දෙනා විදෙස්වල ගමන් බලපත්‍ර හිමි අය බව කියවේ. ලොව අඩුම අපරාධ අනුපාතයක් ඇති සිංගප්පූරුවේ මෙවැනි වැටලීම ඉතා දුර්ලභය. එරට පොලිසිය සදහන් කළේ අගහරුවාදා හදිසි වැටලීම් නගර ප්‍රාන්ත පුරා එකවර සිදුකළ බවයි. වාහන 50ක් සමග රටේ වඩාත් ජනප්‍රිය ප්‍රදේශවල පිහිටි නිවාස 94 ක්ද අත්අඩංගුවට ගත් බව වැඩිදුරටත් සදහන් වෙයි.
අත්අඩංගුවට ගත් පුද්ගලයන් 10 දෙනා වයස අවුරුදු 31ත් 44ත් අතර පසුවන්නන් වන අතර මුදල් විශුද්ධිකණනය සහ ව්‍යාජ සකස් කිරීම් සම්බන්ධව ඔවුන්ට චෝදනා එල්ලවී තිබේ. මෙම පිරිසට චීනය,කාම්බෝජය,තුර්කිය සහ වනුටු යන රටවල විදේශ ගමන්බලපත්‍ර තිබු බව පොලිසිය පවසයි. පොලිසිය වැඩිදුරටත් සදහන් කලේ මොවුන් “ඔවුන් විදේශ අපරාධ ක්‍රියා වලින් සහ මාර්ගගත සූදු මගින් ලැබෙන මුදල් විශුද්ධිකණනයට” සම්බන්ධ බවට සැක කරන බවයි. සුදු අපරාධ විමර්ශනය කරන පොලිස් වාණිජ කටයුතු දෙපාර්තමේන්තුවේ අධ්‍යක්ෂ Davif Chew පැවසුවේ “අපරාධකරුවන්ට සිංගප්පූරුව ආරක්ෂිත තෝතැන්නක් ලෙස භාවිතා කිරීමට කිසිසේත් ඉඩ නොදෙන” බවයි.
“අපරාධකරුවන්ට අපේ පණිවිඩය සරලයි,අපි ඔබව අල්ලා ගත්තොත්,අපි ඔබව අත්අඩංගුවට ගන්නෙමු. ඔබ අයතා ලෙස උපයාගත් මුදල් අපි සොයා ගත්තොත්,ඒවාද අත්පත් කර ගන්නෙමු. එමෙන්ම අපේ නීතිය උපරිමයෙන් ඔබට එරෙහිව ක්‍රියාත්මක කරන බවද, නිල විශුද්ධිකරණයට අවශ්‍ය සුදුසුකම් සපුරා නැති ආයතන වලටද එරෙහිවද දැඩි ක්‍රියාමාර්ග ගන්නා” බවද ඔහු වැඩිදුරටත් සදහන් කළේය.
-BBC ඇසුරෙනි-
Photo Credit: Singapore Police force
