UNICEF- පසුගිය අප්‍රේල් මාසයේ සිට සුඩානය තුළ හටගෙන ඇති ගැටුම්කාරී තත්වය එරට ළමා ප්‍රජාව කෙරෙහි ඉතා දරුණු ලෙස බලපෑම් එල්ල කර ඇති බව යුනිසෙෆ් සංවිධානය පවසා සිටිනවා. මේ වනවිට එරට ළමා ජනගහනයෙන් මිලියන 14ක් මානුෂිය සහයෝගය සහ ආධාර වල දැඩි අවශ්‍යතාවයෙන් පසුවන බව එම සංවිධානයේ නියෝජ්‍ය විධායක අධ්‍යක්ෂක Ted Chaiban සඳහන් කරනවා.
සුඩානයේ ළමුන් කුසගින්න, රෝග, ප්‍රචණ්ඩත්වය සහ පවුල් වෙන්වීමේ අවධානමට මුහුණ දෙමින් සිටින අතර මිලියන 1.7 කට අධික සංඛ්‍යාවක් තම නිවෙස්වලින් පිටමං කර ඇති බවත් අවතැන් වූ ළමුන් මිලියන 1.9 ක් පමණ වෙතැයිද පවසන විධායක අධ්‍යක්ෂකවරයා, වයස අවුරුදු පහට අඩු දරුවන් මිලියන තුනක් මන්දපෝෂණයෙන් පෙළෙන අතර 700,000ක් උග්‍ර උග්‍ර මන්දපෝෂණය හා මරණ අවදානමට ලක්ව සිටින බව පෙන්වා දෙනවා. එමෙන්ම සුඩානයේ පවතින ගැටුම් හේතුවෙන් අවම වශයෙන් ළමුන් 435 ක් මිය ගොස් 2,025 කට වැඩි පිරිසක් තුවාල ලබා ඇති බව යුනිසෙෆ් සංවිධානය අවධාරණය කරනවා.
-CNN ඇසුරෙනි-
