UNP මෙතෙක් කාලයක් තහනමට ලක් කර තිබු අමාත්ය මනුෂ නානායක්කාරගේ සහ හරීන් ප්රනාන්දුගේ එජාප කෘත්යාධිකාරි මණ්ඩල සාමාජිකත්වය යළි ලබා දීමට ඊයේ (අගෝ. 2) තීරණය කළ බව එක්සත් ජාතික පක්ෂයේ මහ ලේකම් පාලිත රංගේ බණ්ඩාර පැවසීය.
එජාප නායක ජනාධිපති රනිල් වික්රමසිංහගේ ප්රධානත්වයෙන් සිරිකොත පක්ෂ මූලස්ථානයේදී කෘත්යාධිකාරි මණ්ඩල රැස්වීමක්ද පැවැත්වූ බව ප්රකාශ කළ මහ ලේකම්වරයා එහිදී,විධායක සභාව ශක්තිමත් කිරීමටත් විධායක සභාව තීන්දු ගන්නා තැනක් බවට පත් කිරීමටත්, දේශපාලන කටයුතු සිදුකිරීම වෙනුවෙන් වෙනම කමිටුවක් නිර්මාණය කිරීමටත්, මාර්ගගත ක්රමවේදයට අනුව පක්ෂය සංවිධානය කිරීම පිළිබඳවත් සාකච්ඡා කළ බව සඳහන් කළේය.
එසේම එක්සත් ජාතික පක්ෂයේ 77 වන පක්ෂ සම්මේලනය පැවැත්වීම පිළිබඳව සහ පක්ෂ ව්යවස්ථාව වෙනස් කිරීම පිළිබඳවත් මෙහිදී අවධානය යොමු වූ බව පැවසු මහ ලේකම්වරයා,සැප්තැම්බර් 10 වන දා ජනාධිපතිවරයාගේ මූලිකත්වයෙන් පක්ෂ සම්මේලනය පැවැත්වීමට තීරණය කළ බවත් අරගලයේදී ජනතාව පැවැසූ ආකාරයේ ක්රම වෙනසක් ඇති කිරීමට අදාළ පක්ෂ ව්යවස්ථාව වෙනසකට ලක්කිරීමට නියමිත බවත් වැඩිදුරටත් පවසා සිටියේය.
