Kuwait – වීසා නොමැතිව නීති විරෝධී ලෙස කුවේට් රාජ්යයේ රැඳී සිටි ගෘහ සේවිකාවන් 62 දෙනෙකු එරට ශ්රී ලංකා තානාපති කාර්යාලය හරහා මෙරටට පිටුවහල් කර ඇති බව වාර්ථා වනවා. මෙසේ පිටුවහල් කර ඇත්තේ ගිවිසුම්ගත නිවෙස් වලින් පලාගොස්,තාවකාලික නේවාසිකාගාර වල රැඳී සිටි ගෘහ සේවිකාවන් 59 දෙනෙකු හා සේවකයන් 3 දෙනෙකු බව කුවේට් ශ්රී ලංකා තානාපති කාර්යාල ආරංචි මාර්ග සඳහන් කරනවා.
මොවුන් කුවේට් ඩිනාර් 250 ක් වැනි මාසික වැටුපක් වෙනුවෙන් විවිධ ස්ථාන වල තාවකාලික රැකියා කරමින් සිටි බවත්, කුවේට් රාජ්යයේ එලෙස රැඳී සිටීම නීති විරෝධී බැවින් තාවකාලික ගුවන් බලපත් සකසා ඔවුන්ව මෙරටට පිටුවහල් කළ බවත්, කුවේට් ශ්රී ලංකා තානාපති කාර්යාල ප්රකාශකයෙක් වැඩිදුරටත් ප්රකාශ කර සිටියා.
