සූදු වෙබ් අඩවි 24 ක් තහනම්
වලංගු බලපත්රයක් රහිතව නීති විරෝධි ආකාරයෙන් සූදු සහ ඔට්ටු ඇල්ලීමේ සේවා පවත්වා ගෙන ගිය නීති විරෝධී අන්තර්ජාල සූදු වෙබ් අඩවි 24ක් වහාම ක්රියාත්මක වන පරිදි ලංකාව තුළ අවහිර කළ බව මුදල් අමාත්යංශය පවසයි. මුදල් අමාත්යංශය යටතේ ක්රියාත්මක සූදු ක්රීඩා නියාමනඅධිකාරිය විසින් ‘2025 අංක 17 දරන සූදු ක්රීඩා නියාමන අධිකාරී පනතේ ‘ විධි විධාන හා බලතල ප්රකාරව විදුලි සංදේශ නියාමන කොමිෂන් සභාව වෙත කරන ලද දැනුම් දීමක් මත මෙම පියවර ගෙන ඇත.
සූදු ක්රීඩා නියාමන අධිකාරි පනතේ 15, 16 සහ 18 වගන්ති යටතේ නියමිත වලංගු බලපත්රයක් රහිතව ලංකාවේ අන්තර්ජාල සූදු සේවාවන් පවත්වාගෙන යෑම සහ එවැනි සේවා ප්රවර්ධනය කිරීම දඩුවම් ලැබිය හැකි වරදක් බැවින් වෙබ් අඩවි ප්රෙව්ශය අවහිර කිරීම සඳහා විදුලි සංදේශ සේවා සපයන්නන් වෙත විදුලි සංදේශ නියාමන කොමිෂන් සභාව අවශ්ය උපදෙස් මාලාවක් නිකුත් කර ඇති බවද මුදල් අමාත්යංශය සඳහන් කර සිටී. එසේම මෙවැනි නීති විරෝධී අන්තර්ජාල වෙබ් අඩවි පරිහරණය සහ ඒවාට මුදල් යෙදවීමෙන් වළකින ලෙසටත් මහජනතාවගෙන් ඉල්ලීමක්ද කර ඇත. තහනමට ලක් වූ වෙබ් අඩවි 24 පහත දැක්වේ.
22bet.com, melbet.com, unibet.com, betfair.com, 1win.com, spinbetter.com, 10cric.com, bc.game, megapari.com, pin-up.bet, stake.com, mostbet.com, parimatch.com, betwinner.com, linebet.com, 4rabet.com, rajabets.com, dbbet.com, coldbet.com, WinWin
✍️ ධාරා අබේනායක විසිනි.
