කොළඹ මහල් නිවාස විසි හතම අපායවල්

කොළඹ මහල් නිවාස විසි හතම අපායවල්

කොළඹ මහල් නිවාස විසි හතම අපායන් බවත් ඒවා මිනිසුන්ට ජීවත් විය හැකි පරිදි සකස් කිරීමට කටයුතු කරන බවත් මේ අවුරුද්දේ මහල් නිවාස දෙකක් සහ ඉදිරි වසරවල මහල් නිවාස 11ක් තනා අවසන් කිරීමට බලාපොරොත්තු වන බවත් නාගරික සංවර්ධන නියෝජ්‍ය අමාත්‍ය එරංග ගුණසේකර අද (09) පාර්ලිමේන්තුවේදී පැවසීය.

පාර්ලිමේන්තු මන්ත්‍රී ආචාර්ය හර්ෂ ද සිල්වා මතු කළ ප්‍රශ්නයකට පිළිතුරු දෙමින් එසේ පැවසු නියෝජ්‍ය අමාත්‍යවරයා, ඉදිකිරීමට බලාපොරොත්තු වන මහල් නිවාසයන්හි හත්දහසක් පමණ ජනතාව පදිංචි කිරීමට කටයුතු කරන බවද, සමාජ අවශ්‍යතා මත පදිංචි කිරීමටත්, අඩු ආදායම්ලාභීන් පදිංචි කිරීම පිළිබඳව නිර්ණායක මේ වනවිට සකස් කෙරෙමින් පවතින අතර ඒවා ඉදිරියේදී පාර්ලිමේන්තුවට ඉදිරිපත් කරන බවත් වැඩි දුරටත් සඳහන් කළේය.

✍️ ධාරා අබේනායක විසිනි.