ලයිට් බිලට තැබූ අත වතුර බිලටත්?
ජල ගාස්තු සංශෝධනයක් සිදුකරන්නේද නැතිද යන්න එළැඹෙන ජුනි 30 වැනිදා සමාලෝචනය කරන බව නිවාස, ඉදිකිරීම් සහ ජල සම්පාදන අමාත්‍ය සුසිල් රණසිංහ පැවැසීය.
ජාතික ජල සම්පාදන හා ජලාපවහන මණ්ඩලයේ කළමනාකාර සහකාර නිලධාරීන්ට පත්වීමේ ලිපි ප්‍රදානය කිරීමේ අවස්ථාවට ඊයේ (02) සහභාගී වූ අමාත්‍යවරයා මෙසේද සඳහන් කළේය.
වසරේ පළමු මාස 6 සඳහා ජල ගාස්තු සංශෝධනයක් නොකිරීමට පසුගිය 19 වනදා කැබිනට් තීරණයකින් ප්‍රකාශයට පත් කෙරුණු අතර එහිදී වත්මන් ජල ගාස්තු මගින් සම්පූර්ණ මෙහෙයුම් වියදම් ආවරණය කර ගැනීමට හැකියාව පවතින බවද අනාවරණය කෙරුණි. ජල ගාස්තුව සඳහා විදුලි බිල වැඩිවීම යම් බලපෑමක් සිදු කළද එය ඉතා අවම බලපෑමක් බවත් ඔහු කීය. කෙසේ නමුත් ජූනි 30 අවසන් සමාලෝචන තීරණය ප්‍රකාශයට පත්වන බව සඳහන් කළ අමාත්‍යවරයා, එහිදී ජල ගාස්තුවේ සංශෝධනයක් සිදුවන්නේද නැද්ද යන්න ප්‍රකාශයට පත් කරන බවද කීය.
✍️ ධාරා අබේනායක විසිනි.
