කොළඹ LNW: ශ්රමය සඳහා ලැබිය යුතු නිසි ගෞරවය ලබාදීම සහ සියලු වැඩකරන ජනතාවගේ අයිතිවාසිකම් සුරක්ෂිත කිරීම වත්මන් රජයේ මූලික ප්රතිපත්තිමය කැපවීම බව ලෝක කම්කරු දිනය වෙනුවෙන් පණිවිඩයක් නිකුත් කරමින් අග්රාමාත්ය ආචාර්ය හරිනි අමරසූරිය පවසයි.
ඒ අනුව, පවතින සේවාවන් පුළුල් කරමින් සහ වැඩකරන ජනතාවගේ ජීවන තත්ත්වය නංවාලීම සඳහා නව වැඩසටහන් ක්රියාත්මක කරමින් සාධාරණ සහ සුරක්ෂිත සේවා පරිසරයක් නිර්මාණය කිරීමට කැපවී කටයුතු කරන බව ප්රකාශ කරයි.
සියලුම පුරවැසියන් සඳහා සාධාරණ සහ සමාන ප්රවේශයන් තහවුරු කිරීම රජයේ මූලික අරමුණක් වන අතර ඒ අනුව සෑම කෙනෙකුටම ගෞරවනීය වෘත්තීය ජීවිතයක් ගත කළ හැකි පරිසරයක් නිර්මාණය කිරීම වර්තමාන රජයේ මූලික අරමුණක් බවද ඇය කියා සිටියි.
වැටුප් රහිත ශ්රමය හඳුනාගන්නා ජාතික සමාජ ආරක්ෂණ පද්ධතියක් ස්ථාපිත කිරීම සහ එවැනි ශ්රමිකයින් සඳහා සමාජ ආරක්ෂණය සහතික කිරීම අප රජයේ අරමුණ බවද දක්වා ඇත.
සියලු ශ්රමයන් අගය කරන අයිතිවාසිකම් සුරක්ෂිත වූ සහ සමානත්වය රජයන රටක් ගොඩනැගීම සඳහා එකමුතුව පෙරට යාමේ වැදගත්කම මෙම මැයි දිනයේදී යළිත් තහවුරු කළ යුතු බවයි අග්රාමාත්යවරිය නිකුත්කල කම්කරු දින පනිවිඩයේ වැඩිදුරටත් සඳහන් වෙයි.
