ලාංකිකයන් 7ක් අබුඩාබියෙන් පිටුවහල් කෙරේ
එක්සත් අරාබි එමීර් රාජ්‍යයේ , අබුඩාබි නුවර රැඳී සිටිමින් මැදපෙරදිග යුද්ධයේදී භාවිත කළ ඩ්‍රෝන යානා, මිසයිලවල ඡායාරූප, වීඩියෝ දර්ශන තම ජංගම දුරකතනයේ තබා ගනිමින්, සමාජ මාධ්‍යවල හුවමාරු කරගත් ලාංකික තරුණයන් 7 දෙනකු එරට ආරක්ෂක අංශ මගින් අත්අඩංගුවට ගෙන රක්ෂිත බන්ධනාගාරගත කිරීමෙන් පසු එරටින් පිටුවහල් කොට ඇතැයි වාර්තා වේ.
ඔවුන් කටුනායක ගුවන්තොටුපල වෙත පැමිණි පසු පිටුවහල් පිරිස මෙරටේදී පාතාල ක්‍රියාකාරකම්, සංවිධානාත්මක අපරාධ කල්ලි සමග හෝ මත්ද්‍රව්‍ය ජාලයන් සමඟ සම්බන්ධතා පවත්වා ඇත්ද යන්න සොයා බැලීමට නියමිතයි. විමර්ෂණය කටයුතු කටුනායක ගුවන්තොටුපොල අපරාධ පරීක්ෂණ දෙපාර්තමේන්තු නිලධාරීන්, රාජ්‍ය බුද්ධි සේවය සහ පොලිස් මත්ද්‍රව්‍ය කාර්යාංශ නිලධාරින් එක්ව මෙහෙයවනු ලැබේ.
✍️ ධාරා අබේනායක විසිනි.
