රේගුව ආදායම් සීමා ඉක්මවයි – Exceeds income limits
ශ්රී ලංකා රේගු දෙපාර්තමේන්තුව වසරේ මේ දක්වා වූ කාලය ඇතුළත රුපියල් බිලියන 1373. 7ක ආදායමක් උපයා ගැනීමට සමත්ව ඇතැයි වාර්තා වේ . රේගු මාධ්ය ප්රකාශක, ජ්යෙෂ්ඨ රේගු අධ්යක්ෂ චන්දන පුංචිහේවා සඳහන් කළේ මෙය වසරේ ජූනි 30 වැනිදායින් අවසන් වන පළමු මාස හය සඳහා නියමිතව තිබූ ආදායම් ඉලක්කය ඉක්මවා ඇති බවය.
මුල් මාස හය සඳහා රේගුවේ අපේක්ෂිත ආදායම රුපියල් බිලියන 1065.5ක් වූ අතර එම ඉලක්කය අබිබවා යමින් රුපියල් බිලියන 313ක අතිරික්ත ආදායමක් උපයා ගැනීමට රේගු දෙපාර්තමේන්තුව සමත්ව ඇත. මෙම වසර සඳහා රේගු දෙපාර්තමේන්තුව වෙත ලබා දී ඇති සමස්ත ආදායම් ඉලක්කය රුපියල් බිලියන 2206කි. මෙම තත්වයත් සමඟ පසුගිය වසරේදී උපයාගත් රුපියල් ට්රිලියන 2.5ක වාර්තාගත සමස්ත ආදායම ද මේ වසරේ දී ඉක්මවා යාමේ හැකියාවක් පවතින බව මාධ්ය ප්රකාශකවරයා සඳහන් කරයි.
