නොගෙවූ ආදායම් බදු වලට මාස හයක සහන කාලයක්

නොගෙවූ ආදායම් බදු වලට මාස හයක සහන කාලයක් – Income Tax

මෙතෙක් ආදායම් බදු නොගෙවු අය මාස හයක් ඇතුළත ඒ බදු මුදල ගෙවනවා නම් සම්පූර්ණ පොලී ආදායම අහෝසි කරන බව ආර්ථික සංවර්ධන නියෝජ්‍ය අමාත්‍ය නිශාන්ත ජයවීර පාර්ලිමේන්තුවේදී පැවැසීය. එසේම එම විධිවිධාන නව පනත් සංශෝධනයට ඇතුළත් කර තිබෙන බව දේශීය ආදායම් (සංශෝධන) පනත් කෙටුම්පත දෙවැනිවර කියැවීමේ විවාදය අරඹමින් ඔහු පැවැසීය.

මේ පනත් කෙටුම්පතේ මූලික අරමුණ දැනට පවතින බදු ක්‍රමයේ තිබෙන සංකීර්ණතා ඉවත් කිරීමයි. බදු පරිපාලනය සිදුකිරීමේදී හඳුනා ගන්නා ලද අවිනිශ්චිතතා ඉවත් කර ගැනීමත් මෙහි අරමුණක්. බදු ක්‍රමය සරල කිරීමත් මෙහි තවත් අරමුණක්. බදු පදනම පුළුල් කරගැනීම තුළින් විශාල බදු ආදායමකට ගමන් කිරීම අපේ අරමුණ වී තිබෙනවා. අප බලාපොරොත්තු වන්නේ තවදුරටත් බදු අනුපාත වැඩි කිරීම හෝ බදු පැනවීම නොවේ. අයවැය යෝජනා නීතිමය තත්ත්වයට පත්කර පනත සංශෝධනය කිරීම බව නියෝජ්‍ය අමාත්‍යවරයා වැඩිදුරටත් සඳහන් කළේය.

✍️ ධාරා අබේනායක විසිනි.