ඩෙංගු මදුරුවා විදින වෙලාව වෙනස් වෙලා

ඩෙංගු මදුරුවා විදින වෙලාව වෙනස් වෙලා

ඩෙංගු මදුරුවා සක්‍රීය වන සහ දෂ්ට කරන කාලසීමාවේ පැහැදිලි වෙනසක් සිදුව ඇති බව අලුත්ම පර්යේෂණවලින් හෙළිව ඇතැයි ජාතික ඩෙංගු මර්දන ඒකකයේ අධ්‍යක්ෂ වෛද්‍ය කපිල කන්නංගර පවසයි. ඒ අනුව ඩෙංගු මදුරුවා මේ වන විට සක්‍රීය වන හෝරාව වන්නේ උදෑසන හයේ සිට උදෑසන 11 දක්වා වන කාලය බවට අනාවරණය වී ඇත. පෙරදී ඩෙංගු මදුරුවා වඩාත් සක්‍රිය වී ඇත්තේ හිරු උදාවන සහ හිරු බැස යන හෝරාවන්හිදීය.

නව වේලාවත් සමඟ උදෑසන කාලසීමාවේදී පොදු ජනතාව සහ පාසල් දරුවන් වඩාත් ක්‍රියාශීලීව බාහිර පරිසරයේ ගැවසෙන බැවින් මදුරුවන් දෂ්ට කිරීමේ ප්‍රවණතාව සහ අවධානම බෙහෙවින් ඉහළ ගොස් ඇත. තවමත් පාසල් පරිශ්‍රවලින් මදුරු කීටයන් බහුලව හමුවීමේ සිද්ධීන් වාර්තා වීම නිසා පාසල් දරුවන් මේ හේතුවෙන් දැඩි අවධානමකට ලක්ව සිටින බවද වෛද්‍යවරයා පෙන්වා දෙයි.

✍️ ධාරා අබේනායක විසිනි.