ජනාධිපතිවරයා මුදල් ඇමැතිකමින් ඉල්ලා අස්විය යුතුයි – Mujibur Rahman
ඔස්ට්‍රේලියාවට ගෙවූ ඩොලර් ලක්ෂ විසිපහක් පරිගණක හැකර්වරුන් වංචනිකව ලබා ගැනීමේ සිද්ධිය සම්බන්ධයෙන් ලබන සතියේ පාර්ලිමේන්තුවේදී දැඩි විරෝධයක් මතු කිරීමට සමගි ජන බලවේගය සහ ශ්‍රී ලංකා පොදු ජන පෙරමුණ ඇතුළු විපක්ෂ දේශපාලන පක්ෂ තීරණය කර ඇති බව වාර්තාවේ. පාර්ලිමේන්තුව ලබන පස් වැනිදා රැස්වීමට නියමිතය.
මෙය භාණ්ඩාගාරය මහ දවල් කොල්ල කෑමක් බවත් මුදල් අමාත්‍යවරයා ලෙස ජනාධිපතිවරයා සහ මුදල් අමාත්‍යාංශයේ ලේකම්වරයා මීට ඍජුව වගකිවයුතු බැවින් ඔවුහු එම තනතුරින් ඉල්ලා අස්විය යුතු බවත් සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් මහතා ප්‍රකාශ කොට ඇත. එසේම මේ සම්බන්ධයෙන් දිගින් දිගටම හඬ නැගීමට පක්ෂ ක්‍රියාකාරීන් සූදානම් වන බවද ආරංචි මාර්ග හෙළි කරයි. මේ අතර ඔස්ට්‍රේලියාවට ගෙවූ ඩොලර් ලක්ෂ විසි පහක මුදල හැකරුන් අතට පත්වීම සම්බන්ධයෙන් රජය පාර්ශ්වයෙන්ද යම් කරුණු දැක්වීමක් සිදු කිරීමට නියමිත බව රාජ්‍ය ආරංචි මාර්ග සඳහන් කරයි.
-ධාරා අබේනායක-
