හිටපු ජනාධිපති රනිල් වික්රමසිංහ ඉදිරියට දමා බලය ලබා ගැනීමට සූදානම් වීම විහිළුවක් බව හිටපු පාර්ලිමේන්තු මන්ත්රී ඩයනා ගමගේ පවසනවා.
මෙතෙක් කාලයක් රට කළේ, දැන් විපක්ෂයේ සිට බලය ලබා ගැනීමට සූදානම් වන එක්සත් ජාතික පක්ෂය, ශ්රී ලංකා නිදහස් පක්ෂය, ශ්රී ලංකා පොදුජන පෙරමුණ ඇතුළු පිරිස් බවයි අද (30) මාධ්ය වෙත අදහස් දක්වමින් හිටපු මන්ත්රීවරිය සඳහන් කළේ.
මෙතෙක් කාලයක් ඔවුන්ට කර ගැනීමට බැරි වූ රට, නැවත ඉල්ලමින් අවුරුදු 05 ක් තුළ සිදු කරාවිදැයි ගැටලුවක් මතු වන බව ද හිටපු මන්ත්රීවරිය පවසා සිටියා.
හිටපු ජනාධිපති රනිල් වික්රමසිංහට ඔහුගේ ‘පාඩුවේ සිටීමට’ ඉඩ ලබාදෙන ලෙසත්, ඔහු දැන් ‘ලෙඩෙක්’ බවත් හිටපු පාර්ලිමේන්තු මන්ත්රී ඩයනා ගමගේ වැඩිදුරටත් ප්රකාශ කර සිටියා.
